GROENTE-PICCALILLI

GROENTE-PICCALILLI
Foto:  Amanda Conradie
FOOD LOVERS RCIPES
Tradisioneel in Brittanje word groente-piccalilli met cheddarkaas en varkvleispasteitjies as ’n “ploughman’s lunch” in ’n kroeg voorgesit. Picalilli het ’n suur smaak.

sowat 500 – 600 ml

200 g klein worteltjies
400 g blomkool
1 groot ui, gekap
180 g groenbone
125 ml water
35 g (75 ml) mielieblom
150 ml water
700 ml appelasyn (cider vinegar)
65 ml fyn appelkooskonfyt
10 ml mosterdpoeier
10 ml kerriepoeier
5 ml borrie
2 ml sout

Plaas wortels, blomkool, ui en bone in ’n mengbak. Giet kookwater oor en laat staan 5 minute. Dreineer in ’n vergiettes. Meng die 125 ml water met mielieblom tot ’n gladde pasta. Plaas die 150 ml water, asyn, appelkooskonfyt, mosterdpoeier, kerriepoeier, borrie en sout saam in ’n kastrol. Voeg die mielieblompasta by en bring tot kookpunt. Laat 10 minute oop kook en roer nou en dan. Voeg gedreineerde groente by en laat nog 5 minute kook. Skep in gesteriliseerde bottels.