BOEREWORS MET DROE VRUGTE

Lewer 4-6 porsies

250 g gemengde droë vrugte
25 ml suiker
250 ml water
6 aartappels, geskil en in dun skywe gesny
sout en peper
vars gerasperde neut
5 ml fyn koljander
500 ml beesvleisaftreksel
1 kg boerewors

Kook vrugte, suiker en water saam.
Rangskik aartappels in ‘n gesmeerde oondpan.Geur met sout, peper, neut en koljander.
Voeg aftreksel by en plaas wors bo-op.
Bak in ‘n voorverhitte oond (200°C) tot gaar.
Skep droë vrugte by en bedien.

Cecilia Bedser – Uit my resepteversameling van 40 jaar