GOUE GEMMERKOEKIES

GOUE GEMMERKOEKIES
Resep geplaas deur Stompie Theron Borman
FOOD LOVERS RECIPES
Die koekie resep is Hester Fourie van Prieska se resep wat sy 2011 ingestuur het na Lanbou weekblad se bakkompetisie wat hul gehou het en die resep het kop en skouers bo die honderde ander inskrywings uitgestaan:
500 g sagte botter of margarien
3 koppies suiker
1 x 397 g blik kondensmelk
250 ml gouestroop
5 ml karamelgeursel
25 ml fyn gemmer
5 ml sout
25 ml koeksoda, gesif
7 koppies koekmeel

Voorverhit oond tot 180º C. Smeer bakplate.
Verroom botter of margarien en suiker tot lig.
Voeg kondensmelk, stroop, geursel, gemmer, sout en koeksoda by en klits goed.
Sif koekmeel oor en maak aan tot sagte deeg.
Laat rus oornag by kamer temperatuur.
Rol deeg in balletjies druk effens plat bak vir 10 minute tot kante ligbruin verkleur.
laat staan rukkie op bakplaat tot koekie ferm genoeg is om op draadrak te sit.
Lewer ± 15 dosyn koekies.