VLEIS- EN PASTAPASTEI

500 g maalvleis
250 g noedels (enige pasta)
1 groot ui, gekap
1 groot aartappel
1 eier
150 ml melk
10 ml fyn knoffel
250 ml gerasperde cheddarkaas
sout en peper

Kook die pasta tot net-net sag, dreineer en laat afkoel.
Braai ui en knoffel tot deurskynend. Voeg vleis by en braai tot ligbruin. Bedek met water, voeg sout en peper by en kook tot gaar. Voeg gekookte, geskilde en fyngemaakte aartappel by.
Klits eier en melk en sout en peper en kaas en voeg by pasta. Meng versigtig sodat pasta nie fyngedruk word nie.
Skep vleismengsel in ‘n oondbak en skep pastamengsel bo-oor. Strooi ‘n bietjie gerasperde kaas bo-oor. ‘n Bietjie paprika kan ook oorgestrooi word. Bak teen 180°C vir 20 minute of totdat die kaas lekker gesmelt is.Ek verkies Aromat bo gewone sout en gooi graag so ‘n paar skudde “Gunsmoke Grill” by my vleisgeregte.

Foto en resep geplaas deur Adri van Staden