KOOK EN GENIET – PANNEKOEK
1 koppie koekmeel
½ teelepel sout
1 koppie melk
1 of 2 eiers
¼ teelepel bakpoeier
Meng die meel, die bakpoeier en die sout en voeg eers ‘n klein bietjie hoeveelheid melk by.
Roer tot dit glad is en daar geen klontjies in is nie. Voeg geleidelik die orige melk by.
Klits die eiers goed en voeg dit by en klop daarna die mengsel baie goed.
Skep bietjies-bietjies in ‘n warm, gesmeerde braaipan en bak dit aan albei kante ligbruin.
Strooi kaneelsuiker oor elke pannekoek en rol dit op.
Dien dit warm op met ‘n skyfie suurlemoen.
LW: As die mengsel ‘n paar uur staan voordat dit gebruik word, sal die pannekoek ligter wees.
Pannekoek kan ook met stroop of heuning in plaas van kaneelsuiker bedien word.
Die resep is voldoende vir 8 tot 10 middelmatige groot pannekoeke.
Resep geplaas deur Jeanette Kotze
Foto: Benhet Nieuwenhuis