HEERLIKE WAFELS MET BUTTERSCOTCH SOUS

HEERLIKE WAFELS MET BUTTERSCOTCH SOUS
2 eiers
½ teelepel sout
1¾ koppies melk (450 ml)
4 eetlepels gesmelte botter (60 ml)
2 eetlepels suiker
2 koppies koekmeel
2 teelepels bakpoeier

Sif die droë bestanddele saam. Klits eiergele en voeg by melk en meng.
Voeg die melkmengsel by droë bestanddele en meng goed.
Voeg gesmelte botter by en meng goed.
Klits eierwitte styf en vou liggies by die mengsel in.
Laat rus vir omtrent 10 minute voor jy begin bak.

Butterscotch-sous
50 g botter (50 ml)
50 g witsuiker (100 ml)
75 g sagte bruinsuiker (120 ml)
350 g goue stroop
60 ml room
druppel vanilla geursel

Plaas botter, suikers en stroop in ‘n swaarboom-kastrol oor lae hitte.
Wanneer gesmelt, roer en kook vir omtrent 10 minute.
Laat effens afkoel en roer die room en geursel by.
Hierdie sous kan vir maande in ‘n fles met ‘n skroef-deksel in die yskas bewaar word.
Gebruik oor roomys, wafels, pannekoek.

Resep:  Louise Groenewald
Foto:  Heidi Rowe