RYK BOTTERLAAG KOEK

RYK BOTTERLAAG KOEK
Dit is ‘n baie lekker klam koek.
160 g botter
187 ml suiker
3 eiers
125 ml melk
437 ml koekmeel
1 ml sout
12,5 ml bakpoeier
5 ml vanilla geursel

Klits botter en suiker tot lig en romerig. Voeg geursel by. Voeg eiers een vir een by en klits goed na elke byvoeging. Sif meel, sout en bakpoeier saam. Voeg om die beurt met die melk by bottermengsel. Klits tot dit ‘n fluweelagtige voorkoms het. Skep die mengsel in 2 gesmeerde laagkoekpanne en bak by 180 °C vir 25 – 35 minute. (Kan ook 1 laag bak en in die pan versier soos op die foto)
Versier soos verkies.
Ek gebruik gewoonlik ‘n 500 g pak versiersuiker, dan sit ek botter by en klits tot dit lekker romerig is en natuurlik ‘n 1 teelepel vanilla.
Foto en resep: Cornelia Myburgh