GEDROOGDE KRUIE

(Mikrogolf)
Takkies kruie moet skoon en vars wees. As die takkie blaarryk is, is dit beter om die blaartjies af te stroop. As pietersielie of sedery gedroog word, kap dit eers fyn.
Versprei 250 ml kruie tussen lae papierhandoek op ‘n papierbord en plaas ook ‘n bakkie met 125 ml water in die mikrogolfoond….
Mikrogolf dit ongeveer 5 minute by 100% krag tot droog.
Roer die kruie gereeld terwyl dit gemikrogolf word.
Laat afkoel.
Druk die kruie fyn en bewaar dit in ‘n digte houer.

Wenk uit mikrogolf-wenners