ERTJIESOP MET SPEKVLEIS

ERTJIESOP MET SPEKVLEIS
12,5 ml botter of margarien
2 uie, gerasper
4 spekvleisrepe, gekap
2 beesvleisekstrakblokkies, opgelos in
2,5 liter warm water
450 g splitertjies (500 ml)
1 aartappel, gerasper
2,5 ml gedroogde tiemie
sout en swartpeper na smaak

Verhit die botter of margarien en braai die uie en spekvleis tot sag.
Voeg die aftreksel, splitertjies, aartappel, tiemie, sout en swartpeper by.
Laat prut die sop oor lae hitte totdat die ertjies sag is – ongeveer 1½ uur lank.
Druk dit deur sif, of versap dit indien gladde tekstuur verlang word.
Voeg suurlemoensap na smaak by en herverhit die sop tot deurwarm.
Bedien dit met croutons (gebraaide brood-blokkies) en bros gebraaide spek-
vleiskrummels bo-op.
Wenk:
Verdik die sop met 12,5 ml ertjiemeel of mielieblom, wat aangemaak is met 25 ml water

Bron:  Afrikaanse resepte