PATATKOEK

PATATKOEK
Resep getoets en foto: Jeanette Martins
Hierdie koek is vir my amper lekkerder as n wortelkoek. Patats is nou volop, probeer dit gerus.
FOOD LOVERS RECIPES
Koek:
375 ml olie
1 ½ koppie strooisuiker
4 eetlepel kookwater
4 eiers, geskei
375 ml patat, geskil en grof gerasper
100 g pekanneute, gekap
5 ml vanilla geursel
2 koppie koekmeel
1 eetlepel bakpoeier
1 teelepel fyn kaneel
knypie fyn neutmuskaat
knypie sout
Versiersel:
60 ml sagte botter
2 koppies versiersuiker, gesif
125 g geroomde maaskaas
50 g pekanneute, gekap
bietjie fyn kaneel
Stel oond op 180ºC. Klits olie en strooisuiker saam. Voeg kookwater en eiergele by en klits vir 5 min. Roer patat, neute en vanielje by en meng goed. Sif meel, bakpoeier, kaneel, neut en sout en roer by eiermengsel. Klits eierwitte styf en vou by mengsel in.Skep deeg in twee gesmeerde panne en bak vir ongeveer 30min of tot toetspen skoon uitkom. Laat koeke effens afkoel.
Versiersel: Room botter en versiersuiker tot liggeel. Voeg bietjie maaskaas by indien te styf en klits tot glad. Roer maaskaas met lepel by. Nie te veel roer nie. Smeer versiersuiker op koeke en rond af met neute en kaneel.