KLITS-EN BAK-PLAATKOEK

KLITS-EN BAK-PLAATKOEK
375 ml strooisuiker
375 g sagte botter of volvet margarien
6 eiers
750 ml bruismeel, gesif
15 ml bakpoeier
2 ml sout
125 ml melk
10 ml vanilla geursel

Voorverhit die oond tot 180°C en smeer ‘n oondpan goed.
Voer uit met bakpapier en smeer weer.
Plaas die bestanddele in die volgorde waarin dit aangegee word in ‘n groot mengbak.
Klits alles goed saam tot ‘n gladde beslag.
Skep in die oondpan en bak vir 25 – 30 minute tot gaar.
Laat vir 10 minute in die pan afkoel, keer uit op ‘n draadrak en laat heeltemal afkoel.

RESEP: Carol Elliott Claassen