SJOKOLADE KOEK MET IDEAL MELK
Resep : Jana Prinsloo
Foto: Nikki Laubscher
1 koppie koekmeel
1 koppie strooisuiker of suiker
2 teelepels bakpoeier
½ teelepel sout
4 eiers geskei
½ koppie olie
½ koppie water
½ koppie kakao
Sif die droë bestanddele saam in ‘n mengbak. Klits die eiergele saam met die koppie olie.
Meng die kookwater en kakao saam en voeg dit by die eiergeelmengsel.
Maak ‘n holte in die meelmengsel en giet die kakao~eiermengsel by die meelmengsel in.
Meng goed tot die suiker opgelos is. Klits die eierwitte styf en vou in by die kakao-mengsel.
Giet die beslag in ‘n voorbereide bak of koekpan en bak vir 30 – 40 minute by 180°C.
Stroop:
1 blik idealmelk (gebruik ¾ blikkie)
1 koppie suiker
2,5 ml vanilla geursel
Kook die bestanddele saam tot suiker opgelos is. Giet die stroop oor die warm koek sodra dit uit die oond kom.
Versiering:
¼ blikkie ideal melk
100 g blok neute sjokolade
Smelt die sjokolade saam met die ideal melk en giet oor die koek wanneer die die koek afgekoel het.
Geniet.