ELIZE SE GOURMET EEN-POT KONYN


ELIZE SE GOURMET EEN-POT KONYN
1 kg konyn, in stukke gesny
6 kruie naeltjies
3 lourierblare
1 knoffelhuisie
10 peperkorrels
4 pimento korrels
10 ml (2 teelepels) sout
2.5 ml (½ teelepel) peper
25 ml (2 eetlepels) asyn
300 ml hoender aftreksel
250 g varkspek (Streaky Bacon)

Vee die vleis met ‘n klam doek af en sny dit in stukke.Plaas die vleis en spek ( in repies gesny) in ‘n swaar kastrol en gooi genoeg water en aftreksel oor om dit net te bedek.
Voeg die naeltjies, pimento en die peperkorrels by en laat 3-5 uur lank stadig oor lae hitte of in ‘n stadige oond by 120ºC tot 150ºC, stowe. Hou die watervlak dop en vul aan indien nodig.
Voeg die ander kruie, sout en asyn by nadat dit 2 uur lank gestowe het en haal die naeltjies en die peperkorrels uit.
Die vleis moet maklik van die bene afkom as dit gereed is. Verwyder al die bene en maak die vleis met ‘n vurk fyn.
Kook aartappel en wortel blokkies as bygereg in die konyn aftreksel.
Pasop om nou nog sout by te sit want die aftreksel is reeds souterig.
Verdik ook van die aftreksel met meelblom wat met koue water gemeng is, vir ‘n sous.
Nota: Die vleis kan ook gebruik word in ‘n pastei.
Resep geplaas deur Elize de Kock
Foto: Elize de Kock




ASIAN STYLE ROASTED QUAIL


ASIAN STYLE ROASTED QUAIL
These quails are full of flavour and spice, simply delicious. If you’ve never had quail before, then this recipe is a must.
6 quails
2 tbsp BBQ sauce
2 tbsp sesame seeds
1 tbsp chili garlic sauce
3 tbsp sesame oil dark
2 tbsp honey
3 cloves garlic minced
1 tbsp ginger fresh, minced
¼ cup white wine
¼ cup soy sauce low sodium
2 tbsp vegetable oil

Combine all ingredients, excluding quail and vegetable oil, in large heavy-duty zip-top plastic bag and add quail. Seal, and chill 30 minutes, turning occasionally.
Preheat oven to 180°C.
In an oven proof large skillet or a dutch oven, heat the oil over medium to high heat. Sear the quail on all sides until brown, be careful to turn often, since quails are so small they might burn quickly. Save left over marinade.
Roast quail in the oven uncovered for 20 to 30 minutes or until quail is done.
In the meantime, pour the marinade in a small pot and simmer over medium heat for 10 minutes, it should reduce a bit.
Pour marinade sauce over quail and serve hot with your favourite side dish.
Recipe and photo: Elize de Kock




KONYN POTJIE (RABBIT)


KONYN POTJIE (RABBIT)
Ongeveer 1 kilogram konyn stukke
1 eetlepel olyfolie
1 eetlepel botter
3 teelepels fyn knoffel
200 gram spek (bacon) stukkies
1 groot ui, geskil en gekap
250 gram knopie sampioene
sout en peper na smaak
2 eetlepels pietersielie (gedroogte is ook goed)
1 koppie rooiwyn
1 ½ koppie water
1 eetlepel gedroogde gemengde kruie
½ ui geskil en in skywe gesny (addisioneel)
wit uie soppoeier

Verhit die botter en olyfolie oor hoë hitte tot baie warm in ‘n swart platboom pot en seël die konyn stukke daarin tot dit liggies verbruin het. Verwyder die vleis en hou eenkant. Braai die uie, spek en knoffel in dieselfde pot tot die uie liggies begin verkleur. Roer die sampioene in en braai saam tot dit net begin gaar word. Voeg die sout, peper en pietersielie by. Plaas die konyn stukke terug in die pot en blus die bodem van die pot met die rooiwyn. Skraap al die aanbrandsel stukkie los. Voeg die water en gemengde kruie by, bedek die pot en laat prut oor lae hitte vir 1 uur en 30 minute.
Roer die uie skywe by en prut verder met die deksel af, vir 15 minute. Verhoog die hitte na medium en roer die soppoeier bietjie ver bietjie by tot die sous begin verdik.
Nota:
Die gereg kan op kapok aartappels met ‘n addisionele groente soos ertjies of groen boontjies bedien word, of op rys. Ek het rys gemaak en daarom aartappels en wortels ongeveer 40 minute voor die einde van die kooktyd, by die vleis gevoeg.
Resep geplaas deur Adam Cloete
Foto: Adam Cloete.




BLOUWILDEBEES PASTEI


BLOUWILDEBEES PASTEI
1 kg wildsvleis geen bene en soos biltong gekruie (jy kry biltong spice te koop – kyk by jou slagter)
3 uie, grof gekap
3 lourierblare
‘n paar heel peper korrels
So 2 koppies water
3 aartappels, grof gekap (kwarte)
1 handvol boontjies, in die helfde gesny

Gooi alles in jou stoompot en laat waai vir so 40 minute of langer as jy dit baie sag wil hê.
Skep die wildsvleis en uie in ‘n oondvaste bak sonder die sous
Maak 2 eetlepels mielieblom aan met 60 ml water en roer in die sous in wat oor gebly het in die pot. Kook goed deur en gooi die nou oor die vleis in die oondvaste bak.

Maak die volgende deeg aan:
2 eiers
1 koppie meel
halwe koppie olie
1 koppie melk
2 teelepels bakpoeier
halwe teelepel sout
Meng goed en gooi oor die vulsel as kors.

Bak by 180°C vir 20-30 minute
Ek het toe die oond op grill gestel en dan mooi bruin gebak, hou dop! Hy bak vinnig bruin.
Resep en foto: Natacha Visagie




IDEES OM SPRINGBOKBOUD GAAR TE MAAK


IDEES OM SPRINGBOKBOUD GAAR TE MAAK
Riëth Schoonbee:
Ek maak springbokboud vir Kersfees, enige raad dat dit nie droog gaan wees nie. Gaan dit in my prutpot (slowcooker) maak.
Babs van der Westhuizen:
Stop op met varkspek en knoffel in goeie hoeveelhede. Braai bruin aan albei kante, haal uit en sit in oondskottel. Braai uie in dieselfde olie, voeg suurlemoensap, Worcestersous en halwe koppie Old Brown sjerrie by en roer goed. Sit boud terug in pot, voeg kookwater by en speserye bestaande uit naeltjies, paprika, koljander en sout en peper asook tiemie. Laat kook stadig en draai boud gereeld om. Laat so vir ‘n uur kook. Plaas boud in oondskottel, gooi sous oor en maak toe met foelie. Oond op 100°C en laat vir so 3-4 ure stadig bak. Proe net aan die sous of dit genoeg sout in het. Sodra die boud sag is, sit jy dit oor in bakplaat, smeer olyfolie met kwas aan en strooi vleisspeserye oor. Bak tot bruin. Worcestersous in die sousie werk ook nogal goed.

Ilse van Deventer:
Ons het die afgelope winter by ons slaghuis ‘n springbokboud gekry wat opgestop was met knoffel, vet en spek met spesery oor en dan het hulle dit met netvet toegemaak. Ons het net weer ‘n bietjie spesery en roosmaryn met bietjie olyfolie bo-oor die netvet gesit en toe die boud in die weber gesit… daai vleis was sappig en sag!!! Sal nooit weer n springbokboud anders maak nie.
Michelle Theart:
Hang af hoe groot, maar gooi 2 bottels Griekse slaaisous oor! Al jou geurmiddels is daar in! Dis fantasties!
Noeline Boshoff-van der Walt:
Ek het ook slaaisous probeer en sal nooit weer iets anders gebruik nie. Dit is heerlik!
Ronelle Janse van Rensburg:
Ek laat lê myne oornag in ongegegeurde jogurt en rooiwyn. Volgende môre stop ek dit met spek, knoffel en naeltjies en bak dan.
Annatjie Cooper:
Stop met varkspek en druk ook so 2- 3 wortels in hom.
Willem van der Westhuizen:
Stoompot, dan hou dit die sappigheid, moet dit nie vol anderhande goed stop nie, behandel dit net met Jimmys sous! Ek kom uit die Kalahari uit!
Rina Kleinhans:
Lekkerder as hierdie een sal jy ver gaan soek, glo my vry!
http://www.foodloversrecipes.com/2013/05/geurige-wildsboud/
Marietjie Van Zyl:
Rina Kleinhans, absolute wenner! Ek het dit so leer maak by my ma!
Catherine Angelique Swarts:
Prop dit met bietjie skaapvet.
Kiti Citi:
As jy my ma se resep vir wildsboud (in bier, oornag in oond) gaargemaak het, eet jy nooit weer op ‘n ander manier nie. Dis heerlik.
http://www.foodloversrecipes.com/…/wildsboud-marinade…/




GEMSBOKSKENKEL EN WATERBLOMMETJIE BREDIE IN DIE STOOMPOT

GEMSBOKSKENKEL EN WATERBLOMMETJIE BREDIE IN DIE STOOMPOT
1 kg gemsbok skenkeltjops
500 g bredie varkvleis
1 groot ui
2 aartappels
800 g waterblommetjies
sout na smaak
1 teelepel wit peper
1 eetlepel gerookte paprika
5 kruienaeltjies
1 teelepel koljanderpoeier
2 eetlepels olyfolie

Braai uie in die olyfolie, in die stoompot saam met die speserye, behalwe die sout, tot sag. Braai die skenkeltjops en die varkvleis vir ‘n paar minute saam met die uie en voeg ‘n koppie water by. Stoom vir ongeveer 30 minute. Voeg nou die waterblommetjies en die aartappels by, geur met sout en stoom vir nog 10 minute. Roer versigtig deurmekaar en plaas oor in opdienbak.
Resep geplaas deur Adam Cloete
Foto: Adam Cloete




VERSKEIE WILDSMARINADES


VERSKEIE WILDSMARINADES
Daar is gereeld navrae oor wildsvleis en ek het hierdie opgespoor:
(Met erkenning aan Ben Heystek)

Die volgende marinades is heerlik vir wildvleis. Marineer die vleis ‘n dag of twee daarin.
MARINADE 1
2 uie, gekap
125 ml kookolie
2 takkies vars pietersielie, gekap
250 ml wit wyn
30 ml asyn
2 lourierblare
Sout en peper na smaak
Meng alles saam. Verhit tot kookpunt, prut 5 minute en Iaat afkoel.

MARINADE 2
375 ml rooiwyn
125 ml asyn
1 ui, gekap
2 huisies knoffel, gekneus
5 heel naeltjies
Meng alles saam. Verhit tot kookpunt, prut 5 minute en Iaat afkoel.

MARINADE 3
375 ml rooiwyn,
125 ml asyn of 250 ml sjerrie
125 ml water
5 ml sout
2.5 ml swartpeper
2 lourierblare
6 heel peperkorrels
3 heel naeltjies
22.5 ml bruinsuiker
Meng alles saam. Verhit tot kookpunt, prut 5 minute en Iaat afkoel.

MARINADE 4
250 ml droë witwyn
500 ml appelkoos-, Lemoen- of pynappelsap
30 ml sojasous
60 ml kookolie
1 Lourierblaar
5 ml fyn knoffel
5 heel naeltjies
5 ml gemaalde gemmer

Meng alles saam. Geen kooktyd nodig.
Resepte geplaas deur Johan Snyder




JOHAN SE WENKE VIR DIE GAARMAAK VAN WILDSVLEIS


JOHAN SE WENKE VIR DIE GAARMAAK VAN WILDSVLEIS
Wanneer dit by die gaarmaak kom, is dit verstandig om in ag te neem dat wildsvleis van nature ‘n maer vleis is. Om droogheid te voorkom, moenie oorgaar maak nie. Dit is veilig om die sagter snitte liggaar of medium te bedien.. Sny altyd teen die grein sodat op kort weefsels gekou word. Dit verhoog die vleis se sappigheid. Lardeer met spek- of netvet om ook uitdroging te voorkom.
Die volgende soort marinade kan gebruik word:?
1. ‘n mengsel met hoë suurinhoud, wat met die afbreek van proteïen help;
2. ‘n mengsel met vars pynappelsap of gemmer wat ensieme bevat om die kollageen af te breek wat die weefsels aanmekaar hou; en
3. karringmelk of room wat melksure bevat om die bindweefsel af te breek en die vleis sappiger te maak.
Vir jong vleis is ‘n marinade nie altyd nodig nie, omdat dit die delikate smaak kan oorheers. Soveel mense mis die heerlikheid en gesondheid van wildsvleis, oor die persepsie dat dit taai en droog is. Soos met enige ander vleis, bepaal die snit die gaarmaakmetode. Boud en filet is ideaal vir oondrooster. Dit word aanbeveel dat alle vet verwyder word voordat dit gekook word omdat dit ‘n te sterk smaak het. Dan word vet weer bygevoeg in die vorm van spek. Netvet is ideaal vir snitte wat vir ‘n korter tyd gaargemaak word. Wildsvleis hou baie vir die gesondheidsbewuste eter in. Nie net is wildsvleis organies en hormoonvry nie, en bevat slegs 54% van die kilojoules van beesvleis en vyf keer minder versadigde vette.”

Praktiese Wenke
Daar is ook baie praktiese wenke soos die bevriesing en ontdooiing van wild:
Wild moet rypgemaak wees alvorens dit gevries word. Vries dit teen die laagste temperatuur (-18ºC) en pak in ‘n enkel laag om bevriesing te bespoedig. Wildsvleis kan ‘n jaar lank gevries word; wildsmaalvleis, lewer, niertjies en tong tot ses maande en wors twee maande. Soutvleis en gerookte vleis moet liefs nie gevries word nie. Ontdooi stadig in die yskas of teen kamertemperatuur, om te verseker dat die sappe opgeneem word in die vleis en sodoende geurig bly.
Pasmaats uit die spens:
Daar is ‘n horde geure wat maklik maats maak met wildsvleis, soos gemmer, koljander, steranys, tiemie, naeltjies, neutmuskaat, peperkorrels, wonderpeper, knoffel, lourierblaar en basiliekruid. Speel ‘n bietjie rond met bruinasyn, wynasyn, gladde appelkooskonfyt, vrugtesap, droë witwyn, olyfolie, sesamolie, sojasous, bruinsuiker, port, kweper of appeljellie, korente, pruime, gedroogte appelkosies, vrugteblatjang of bessies.
Met sesamolie, sojasous, sjerrie en bruinsuiker wat ook dol is oor wild, kan daar lekker getoor word met Oosterse geregte, soos soet-en-suurspringbok-roerbraai of koedoe-filetsaté. Gegeur met borrie, klappermelk, rissies, tamaryn, sitroengras en grondboontjiebotter word blokkies koedoe Thai-styl op stokkies geryg. Jy kan ook wildsvleis ‘n avontuurlustige Kreoolse smaak gee met blokkies vleis in ‘n sous gegeur met tamatiepuree, fyn neutmuskaat, fyn komyn, brandewyn, port en vier piesangs.
Resep: Johan Snyder
Foto:  Elsabie Templeton




ROOIBOK VLEISPASTEI


ROOIBOK VLEISPASTEI
1.5 kg rooibok vleis
2 uie, opgesny
2 tamaties, opgesny
½ pakkie spek, in blokkies gesny
ongeveer 15-20 ml asyn
speserye-so bietjie van als:
sout
peper
bbq speserye
neutmuskaat
Mixed Spice
Cayenne peper
gemengde groente na smaak

Stoom vleis tot amper gaar saam met bogenoemde bestanddele, voeg dan gemengde groente by. Kook tot sag.
As daar baie sous in pot is, giet bietjie af, meng 2 teelepels Bisto met die bietjie sous wat jy afgegooi het en voeg weer by in die pot om sous bietjie dik te maak, kook net goed deur en laat staan dan om afkoel.
Spuit tert bakke of smeer met margarine.
Rol blaardeeg uit en plaas een helfte onder in bak.
Druk met vurk paar gaatjies.
Skep vleis in en smeer rand bo met bietjie melk en sit ander helfte deeg bo op.
Druk kante met vurk en maak weer met vurk paar gaatjies dat stoom kan ontsnap anders kook die sous langsaan uit of deeg pof.
Smeer melk met kwas bo op en versier die tert.
Ek bak in oond by 180ºC tot mooi bruin, blaardeeg hou van ‘n warm oond nie.
WENK:  Marinda Scheepers – Ek sit foil oor vir laaste halfuur. Anders word dit te gou bruin en is dit nog rou onder. Ook eier wit oor onderste kors.
Resep geplaas deur Duifie Miller
Foto: Duifie Miller




KUDU SKENKELBREDIE


KUDU SKENKELBREDIE
3 kg kudu skenkels (shanks) laat prut in kook water vir 2 ure  – gooi water af.
Sit skoon kookwater weer in die pot saam met die vleis, voeg die volgende by:
2 geskilde uie, in skywe gesny
2 eetlepels Worchester sous
1/2 koppie perske blatjang
2 teelepels mosterd, cayene peper, swart peper, ens
6 aartappels, geskil en in blokkies gesny
2 koppies melk
1 pakkie bruin uiesoppoeier

Laat prut vir so ‘n half uur en voeg die pakkie bruin uie soppoeier by wat met water aangemaak is volgens die instruksies op die pakkie.
Verder laat prut tot die aartapples en vleis lekker sag was. So om en by 4 ure se kook in totaal.
Resep en foto: Anita Dippenaar