VISKOEKIES VAN PILCHARDS

Image036renee se pilchard viskoekiestested

VISKOEKIES VAN PILCHARDS
WENNER!!!
(Met erkenning aan Ma San vanuit Niekerkshoop in die Karoo)
2 eiers
1 groot blik Pilchards (vis)
60 ml (¼ koppie) asyn
1 klein gekapte ui
sout en peper na smaak
5 ml (1 teelepel) bakpoeier
250 ml (1 koppie) koekmeelblom

Klits die eiers. Voeg die vis, asyn, ui, sout en peper by. Druk vis fyn. Meng bakpoeier en meel. Voeg by vismengsel en meng tot ‘n stywe deeg. Skep eetlepels vol en bak in warm olie tot goudbruin.
Foto:  Rina Kleinhans  en Renee Craig

Variasie
Maria Oneale
1 koppie gevriede groente effens gekook met spices en ek deel my meel 2 koppies koekmeel en 1 koppies bruismeel ek vervang partykeer die groente met sweetcorn, die romerige een absoluut heerlik!




SPINASIE EN TUNA LASAGNE

SPINASIE EN TUNA LASAGNE

375 g spinasiesnysels
15 ml kookolie
30 ml margarien
1 groot ui, fyngekap
2 knoffelhuisies, gekneus
410 gr tamatiesop (blik)
125 ml water
10 ml suiker
5 ml sout
1 ml peper
200 g tunaKaassous:
250 gr fyn maaskaas
250 ml room
250 ml gerasperde Cheddar

Kook die spinasiesnysels volgens die aanwysings op die pakkie. (of net soos jy wil) Dreineer goed en meng met die kookolie.
Braai die uie en knoffel liggies in maragrien en voeg dan die tamatiesop, water, suiker, sout en peper by.
Verhit tot kookpunt en kook vir 10 min op lae hitte. Vlok die vis net effens (belangrik) en roer dit by die sopmengsel. Hou eenkant tot nodig.
Klits die maaskaas, room, en Cheddarkaas saam. Meng goed, hou eenkant tot nodig.
Smeer ‘n oondvaste bak. Skep helfte van die spinasiesnysels in die bak. Dan die helfte van die vismengsel bo-op en die helfte van die kaassous dan daar bo-op.
Herhaal die proses met die ander helfte.
Gooi ‘n bietjie gerasperde kaas en paprika bo-oor.
Bak die lasagne vir 30-40 minute.
Bedien warm met ‘n lekker groen slaai en ‘n lang knoffelbrood.

Katie Heine Ek wil net byvoeg dat die gereg heerlik is. Ek vervang soms die spinasie met macaroni.

 

 




TUNA EN LENSIE BOBOTIE

TUNA EN LENSIE BOBOTIE
4 snye brood, korsies verwyder
250 ml melk
45 ml olie
1 ui, fyngekap
2 knoffelhuisies, fyngedruk
10 ml sout
10 ml matige kerriepoeier
5 ml borrie
5 ml droë brandrissies
5 ml masala
5 ml koljander
5 ml komyn
3 x 170 g blikkies tuna
500 ml gaar lensies (sien wenk)
45 ml suurlemoensap
Vars gemaalde swartpeper na smaak
Bolaag
Lourierblare
2 eiers
80 ml melk

Voorverhit die oond tot 180 °C. Breek die brood in stukke en giet die melk bo-oor. Laat staan tot heeltemal geabsorbeer. Verhit intussen die olie in ‘n groot pan en braai die ui en knoffel daarin tot sag.
Voeg die sout en speserye by en braai vir twee minute, tot geurig. Voeg die tuna en lensies by en braai tot geurig en deurwarm. Voeg die suurlemoensap, brood-en-melkmengsel, asook swartpeper na smaak by en braai tot goed gemeng en deurwarm. Skep in ‘n gesmeerde oondbak.
Bak vir 30 minute. Verwyder uit die oond en druk ‘n paar lourierblare in die bobotie. Klits die eiers en melk saam en giet bo-oor die bobotie. Bak vir ‘n verdere 10 minute, tot ferm en goudbruin. Sit voor met rys. Lewer agt porsies.

Wenk: Om tyd te bespaar, gebruik 2 x 410 g blikke gaar lensies vir die resep. Spoel dit net vooraf baie goed af en dreineer goed.

Foto: Sandra Schreuder-de Klerk




BEDRUIPSOUS VIR GEROOSTERDE SNOEK

geroosterde snoek
BEDRUIPSOUS VIR GEROOSTERDE SNOEK

1.5kg vars snoek
OLIE BEDRUIPSOUS:
250 ml droë witwyn
1 ml vars gemaalde swartpeper
100 ml fyn appelkooskonfyt
6 knoffelhuisies, gekap
20ml vars gekapte pietersielie
12.5ml Worcestersous
12.5ml sojasous
30ml suurlemoensap
Meng die bestanddele vir die bedruipsous en laat prut vir 1 minuut lank. Smeer ‘n toeklap rooster vooraf met olie, anders sal die vis vassit. Moet nie die vel van die snoek verwyder nie, en plaas die snoek op die rooster. Rooster die snoek 15-20 minute stadig oor matige kole terwyl dit aanhoudend met die bedruipsous bestryk word. Gebruik ‘n kwassie vir die doel.
RESEP;  Rene Truter Wessels

 




KERRIEVIS VIR DIE YSKAS

KERRIEVIS NATHALIEtested

KERRIEVIS VIR DIE YSKAS
1,5 kg visfilette, vel verwyder
250 ml (140 g) bruismeel
sonneblomolie vir braai
3 groot eiers, liggies geklits
750 ml bruin asyn
225 ml (280 g) suiker
10 ml fyn borrie
50 ml matige of mediumsterk kerriepoeier
15 ml swartpeperkorrels
3 groot uie, fyngekap
6 lourierblare
40 ml koekmeel

Sny die vis in blokkies van 5 cm. Druk die stukkies in die bruismeel sodat dit oraloor bedek is. Verhit ‘n dun lagie olie in ‘n groot pan oor medium tot hoë hitte. Sodra die olie warm is, kan jy ‘n paar stukkies van die meelbedekte visblokkies in die geklitste eier doop. Laat die oortollige eier afdrup en braai dan die vis vir ‘n paar minute aan elke kant in die warm olie tot deurgaar en goudbruin. Dreineer dit op kombuispapier. Herhaal met die res van die visblokkies. Hou dit eenkant.

Verhit nou die asyn, suiker, borrie, kerriepoeier, peperkorrels en 7 ml sout in ‘n groot kastrol. Verhit dit tot kookpunt en gooi dan die uie en lourierblare by. Sit die deksel op en laat dit vir 10 minute prut.

Gooi koekmeel in ‘n klein bakkie en voeg ‘n lepel vol van die warm mengsel uit die kastrol daarby. Roer dit goed tot glad en roer dan die mengsel in die kastrol by. Laat dit kook en roer die mengsel tot dit effens begin verdik.

Bedek die bodem van ‘n bak (nie van metaal nie) met ‘n laag van die sous. Skep ‘n laag gebraaide vis daarop en gooi nog sous oor. Herhaal die lae. Bedek dit goed en sit dit vir minstens ‘n dag in die yskas voor dit geëet word. Dis die heel beste na drie dae. Die piekelvis sal vir tot ses maande in die yskas hou.
Foto:  Nathalie Jessica Koekemoer- Groot




TUNA VISKOEKIES

viskoekies van tunatested
TUNA VISKOEKIES

BESTANDELE

1 blik (170 g) fyn tuna, goed gedreineer
Sap en fyngerasperde skil van ½ klein suurlemoen
2 agurkies, fyn gerasper
1 groot, gaar aartappel, fyn gedruk
30 ml gekapte, vars pietersielie
½ wiel fetakaas, fyn gekrummel
1 eier
15 ml melk

60 ml koekmeel
Sout en vars gemaalde swartpeper na smaak
Olie, vir braai

METODE

Meng die tuna, suurlemoensap en -skil, agurkies, aartappel, pietersielie en fetakaas goed saam. Klits die eier en melk saam en voeg by. Meng goed, bedek en verkoel vir ongeveer 15 minute. Geur die koekmeel intussen met genoeg sout en swartpeper. Vorm vismengsel in koekies en rol liggies in die gegeurde meel. Skud die oortollige meel af en braai die viskoekies in warm olie tot goudbruin en deurgaar. Sit voor met vars suurlemoen, aartappelskyfies en slaai. Genoeg vir twee tot drie mense

Resep geplaas deur Rina Kleinhans

 




LEKKER CALAMARI

calamari

LEKKER CALAMARI
Meelmengsel
2 opgehoopte eetl koekmeel
1,5  teelepels fyn gemmer
1,5 teelepels paprika
2 eetlepels Robertson Spice for Fish
1 eetlepels Ina Paarman Spice for Fish
1 teelepel Ina Paarman Seasoned Sea Salt
1 teelepel Aromat
swart peper na smaak

Meng als saam in plastieksakkie gooi calamari by. Maak seker dat calamari goed bedek is met meelmengsel. Diep braai tot goud bruin. Bedien met tartare sous.
Bron: my eie mengsel.  Marietjie van der Merwe

NOTA: ONTHOU CALAMARI WORD BAIE BAIE VINNIG GAAR, ONGEVEER 20-30 SEKONDES – RINA

 




PA FANIE SE VISKOEKIES VAN VARSWATER VIS

PA FANIE SE VISKOEKIES VAN VARSWATER VIS
Hierdie is my oorlede skoonpa se eie resep!
Maak vis skoon.
Bak vis in oond tot net gaar. Laat afkoel en haal soveel grate uit as moontlik.
Maal die vis 2-3x goed. Maak meuletjie na elke keer eers goed skoon.
Meet vis af in koppies en gebruik dan vir elke 2k gemaalde vis die volgende bestanddele:
1 ui, fyn gekap of gemaal
1 koppie gaar, fyngemaakte aartappels
+- 1 teelepel sout
1/2 teelepel swart peper
1 eetlepe asyn
3-4 eiers, geklits en
soveel gekapte pietersielie as wat jy wil.

Meng alles goed deur. Maak viskoekies en sit op gesmeerde/ meel bestrooide skinkborde. Sit bietjie in die vrieskas om goed te set, maar nie te vries nie. Doop in geklitste eier en rol in krummels. Bak dan in vlak olie tot gaar. OF maak degie aan en doop hulle daarin en bak in diep olie tot gaar.
DEGIE:
Sif 3/4 koppie meelblom, knippie sout  en knippie peper saam. Klits 1 eierwit tot styf.
Meng 3/4 koppie lou water en 2 teelepels olie.
Voeg droe bestanddele by en meng goed. Vou eierwit in en laat staan vir +- 1 uur voor gebruik. Die beslag moet omtrent so dik soos pannekoekdeeg wees. Indien te styf, voeg nog bietjie water by, maar toets eers 1 om te kyk!
NB!! Ek gooi sommer die eiergeel ook by die vismengsel in, anders mors hy tog net! Geniet!
Resep geplaas deur Bets Lourens

 




FISH BOBOTIE

tested

FISH BOBOTIE
150 g butter OR margarine
1 onion, chopped
5 ml crushed garlic
20 ml fish masala
10 ml medium curry-powder
1 kg hake steaks, boned
salt & freshly ground black pepper
30 ml vinegar
100 ml fruit chutney
1 slice of bread, 40 cm thick, soaked in 300 ml milk
30 ml apricot jam
100 g blanched almonds
2 XL eggs (separated)
125 ml milk

Melt butter, saute onion and garlic, stir in masala and curry-powder.
Add fish, fry 10 minutes, stirring continuously.
Remove from heat, add seasoning, vinegar and chutney.
Squeeze bread, reserving milk, crumble and stir into fish mixture.
Add apricot jam and half the almonds.
Whisk egg-whites until stiff, fold carefully into fish mixture.
Spoon mixture into greased ovenproof dish.
Mix egg-yolks with milk, pour over fish.
Stand remaining almonds in fish mixture.
Bake in bain-marie at 180°C for 40 minutes or until bobotie has set.
SERVES 6
Recipe: Diane Roode Hancox




VISKOEKIES MET MIELIEMEEL

VISKOEKIES MET MIELIEMEEL
(8 viskoekies)
300 ml water
2 ml sout
50 ml mieliemeel
400 g stokvisfilette
150 ml water
2 loulierblare
2 peperkorrels
1 klein ui, gekap
3 ml gerasperde suurlemoenskil
10 ml tamatiepuree (opsioneel)
Knippie gemaalde swartpeper
3 ml sout
10 ml gekapte pietersielie
20 ml margarine
Olie vir vlakbraai

Kook die water, 2ml sout en mieliemeel oor lae hitte tot gaar. (ongeveer 30 min.)
Prut die vis in die water waarby lourierblaar, peperkorrels en ui gevoeg is, totdat dit gaar is en maklik met ‘n vurk vlok. Dreineer, maar behou die vloeistof. Verwyder die lourierblaar en peperkorrels. Vlok die vis.
Meng die gaar pap, gevlokte vis, suurlemoenskil, tamatiepuree, peper, sout, pietersielie en margarine. Voeg bietjie van die gaarmaakvloeistof by indien die mengsel te droog is. Laat afkoel.
Vorm 8 viskoekies en plaas in die koelkas vir 30min. Verhit olie in braaipan, en braai viskoekies 3-4min aan albei kante tot goudbruin. Sit warm voor.