SHAKER SOUTTERTJIES

tested

SHAKER SOUTTERTJIES
Hierdie is ‘n maklike handtertjie met groooot verskeidenheid!! Nog ‘n bonus is min skottelgoed 🙂

Direk in die shaker:
125 ml melk
75 ml kookolie
200 ml koekmeel
2 tl bakpoeier
knippie Sout
2 eiers

Skud alles goed saam en gooi in gespuite klein kolwyntjie panne (grotes kan ook werk, jy kry net minder uit).
Sit vulling van keuse in.
Bak by 180°C vir ± ½uur of tot goudbruin.
Voorbeelde van vullings:
Stukkies bacon, ui, pietersielie en kaas met bietjie chutney
Bullybeef, ui, kaas, pietersielie en chutney
Tuna, ui, kaas
Net kaas
Oorskiet hoender, vleis, mince
Basies enige iets wat jy aan kan dink wat lekker gaan smaak in ‘n souttertjie! Eksperimenteer en deel lekker nuwe idees.
Jy kan dit ook in een groterige bak gooi en vulling op sit, bak en in blokkies sny.

BRON: Winnie Jordaan

 




TUNA MOUSSE MET TABASCO

TUNA MOUSSE MET TABASCO
2 blikke tuna in olie
45 ml gekapte pietersielie
1 ui, fyngekap of gerasper
45 ml tamatiesous
125 ml mayonnaise
‘n Bietjie Tabascosous
Sout en peper
250 ml room
1 koevertjie 30 ml gelatienpoeier

Dreineer en vlok die tuna. Voeg pietersielie, ui, tamatiesous, mayonnaise en Tobascosous by.
Geur met sout en peper. Klits room styf en vou by die vismengsel in.
Week die gelatien in 50 ml koue water en voeg 125 ml kookwater by sodra dit gestol het en roer tot gesmelt.
Roer by die tunamengsel. Spuit ‘n visvorm of ringpan uit. Giet mengsel daarin. Sit in yskas tot gestol.
Keer uit en sit voor met lekker brood of soutbeskuitjies.

Plasing en foto: Marie Rheeder Troskie




WORTELPOFFERTJIES

2013-06-21-mieliemeelpoffertjiestested

WORTELPOFFERTJIES
Ek wil graag hierdie heerlike gereg met julle deel, almal vra die resep en kinders love dit!
500 ml gerasperde rou wortels
250 ml meelblom
1 ml sout
12,5 ml suiker
250 ml water
10 ml bakpoeier
1 groot eier
100 ml melk

Kook wortels sag/gaar en dreineer. Sif droë bestanddele en voeg wortels by. Maak aan met melk, suiker en eier. Bak teelepels vol in warm olie.
± 30 poffertjies.
Bedien met warm karamelsous. Ek is nogal nuuskierig om te kyk of hierdie resep in die popcake pannetjies sal werk.

Foto en resep deur Floraine Wasserman Venter
Hi Rina, ja hierdie is ook lekker vir platters, gebruik gerus ook gerasperde patats, bedien dan met kaneelsuiker. Gerasperde sampioene, in bietjie botter gebraai, met knoffelsousie is ook heerlik, enjoy