Tuisgemaak / Home Made

MAAK JOU EIE MAASKAAS

Posted on May 12, 2013 by Rina Kleinhans

Posted in Lae Kalorieë / Low Calorie, Tuisgemaak / Home Made Leave a comment

MAAK JOU EIE MAASKAAS

Maak jou eie Maaskaas van afgeroomde melk!

Mens vat net soveel afgeroomde melk as wat jy kan kry, laat dit DIK word, en ek bedoel ordentlik dik – sommer totdat die vaste melkgedeelte en die wei skei. Die dik deel dryf dan bo. Gooi die vloeistofgedeelte af en skep dan die dikmelk deel in ‘n gaasdoeklap (cheese cloth material).
Vou dit toe maar hou die punte bymekaar en draai dan die lap soos mens sal maak om die meeste van die water uit die dikmelkgedeelte uit te pers. Hou die punte so opgedraai en plaas dit in ‘n sif oor ‘n bak en plaas ‘n swaarderige gewig bo-op. Laat dreineer so oornag. Continue reading→

FETA

Posted on May 12, 2013 by Rina Kleinhans

Posted in Tuisgemaak / Home Made Leave a comment

FETA
4½ liter melk
114 g mesofil kultuur (vra by ‘n korporasie) of suurmelk
¼ lebekstraktablet
Verhit die melk tot 35ºC. Roer die mesofil by en laat staan vir 30 minute. Los die lebekstrak op in koue water, gooi ‘n knippie sout by en meng dit by die melk.
Roer vir ten minste vyf minute. Bedek en laat staan vir 45 minute teen kamertemperatuur. Die melk behoort dik te word in die tyd.
Sny die stremsel nou in blokke van 3 cm dik. Laat 15 minute staan om dik te word. Gooi die wei af wat uitloop.
Plaas dit in vierkantige kaashouers wat uitgevoer is met kaasdoek. Draai dit om na een uur. Laat dit oornag staan sodat die wei uitloop. Continue reading→

PETRA SE TUISGEMAAKTE ROOM

Posted on May 8, 2013 by Rina Kleinhans

Posted in Plaasvervangers / Substitutes, Tuisgemaak / Home Made 2 Comments

PETRA SE TUISGEMAAKTE ROOM
(moe mooooe mooooooe)
250 gram botter dis 1 en 1/2 koppie SAGTE BOTTER MAAR NIE GESMELT NIE GROOT SEBLIEF!
3/4 koppie strooisuiker
1 teelepel gelatien
1/4 koppie warm water
1/2 teelepel kremetart
1/4 koppie koue kraan water Continue reading→

GOUE STROOP MET KOOKWATER

Posted on May 6, 2013 by Rina Kleinhans

Posted in Tuisgemaak / Home Made Leave a comment

GOUE STROOP MET KOOKWATER

Skroei 2 kg wit suiker in ‘n dikboomkastrol oor lae hitte totdat al die korrels gesmelt en dit ‘n ligte goudbruin is, roer aanhoudend en wees versigtig dat dit nie te donker word nie.
Vermeng
2,5 liter kookwater,
7 ml kremetart en
7 ml sout.
Roer die water geleidelik en bietjiesgewys by die gesmelte suiker, oppas dat die stoom jou nie brand nie. Kook die stroop vinnig totdat dit dik genoeg is. Om te toets of dit dik is, skep af en toe ‘n klein bietjie stroop in’n koue piering. Bottel die stroop warm in warm, gesteriliseerde inmaak flesse en verseël dit.

SELFGEMAAKTE GOUE STROOP

Posted on April 29, 2013 by Rina Kleinhans

Posted in Tuisgemaak / Home Made Leave a comment

SELFGEMAAKTE GOUE STROOP
6 x 250 ml suiker
750 ml koue water
15 ml kremetart

Meng suiker, kremetart en die helfte van die water in ‘n kastrol.
Roer oor lae hitte tot die suiker opgelos is.
Kook oor matige hitte tot die stroop ligbruin van kleur is, sowat 15 – 20 minute.

Bron: Shani Reader

BOERSEEP

Posted on April 29, 2013 by Rina Kleinhans

Posted in Allerlei / Miscellaneous, Tuisgemaak / Home Made 2 Comments

BOERSEEP

1,75 kg harde beesvet (uitgebraaide vet)
250 g seepsoda
1 liter koue water
50 ml sitroenella olie (of olie van keuse )

Smelt die vet in ‘n stainless steel kastrol en hou eenkant totdat dit redelik afgekoel het. Jy moet jou vinger vir 10 sekondes daarin kan hou sonder om te brand. Gooi die vlokkies seepsoda in ‘n erde emmertjie en gooi dan die koue water daarop en roer paar kere met houtlepel, sit die deksel bo-op en laat staan op ‘n veilige plek. Continue reading→

PLAAS JOGHURT

Posted on April 29, 2013 by Rina Kleinhans

Posted in Tuisgemaak / Home Made Leave a comment

PLAAS JOGHURT
My ma maak dit altyd op die plaas en vandag het ek dit gemaak dit is so lekker smooth
Bring 4 l melk tot net net onder kookpunt (moet nie kook nie)
Laat vinnig afkoel deur dit in n wasbak met yskoue water in te sit!
Laat afkoel tot sterkwarm (jy moet jou vinnger daar in kan hou)
Roer nou 1 liter plain jogurt in
Maak pot toe en laat staan 5 ure in son!
Haal uit son en sit in yskas! Moenie roer of niks ni!
Los tot volgende oggend! Geur nou met sweeto! (Ek die oranje geur gebruik) roer lekker en geniet

Wenk: Mens kan ook die jogurt versoet met ‘n pakkie jellie poeier, neem bietjie jogurt meng die jellie poeier deur en meng dit dan weer deur die groot hoeveelheid jogurt

Bron: Hettie Nieuwenhuis