TUISGEMAAKTE PASTA VIR LASAGNE


TUISGEMAAKTE PASTA VIR LASAGNE
2 koppies koekmeel
2 groot eiers
4 eetlepels water

Maak ‘n holte van die meel. Breek eiers oop en sit in die holte met een eetlepel water. En werk dan al hoe meer van die meel by met die hande. Vou dit gereeld terug op homself en sit elke nou en dan ‘n titseltjie water by.
Bewerk die deeg so 15 minute lank. (Is nogal ‘n taaierige besigheid aan die begin, maar dit word beter)
Maak dan ‘n bal, draai toe in kleefplastiek en laat ten minste 30 minute in yskas rus voor gebruik.
Rol uit met pastamaker tot ‘n dikte van 1 tot 1.5 mm. Gebruik in lasagne soos verkies.
Vraag:
As mens nie ‘n masjien het nie kan mens dit net dun uitrol?
Antwoord:
Baie jare terug het ek dit so gedoen. Jy moet dan eerder kleiner stukkies deeg afsny, want dit raak ongemaklik. En jy moet gereeld dubbeld vou en met meel sprinkel. Jy werk na ‘n dikte van ongeveer 1 tot 1.5 mm.

Resep en foto: Belinda Havenga




HOMEMADE ONION POWDER


HOMEMADE ONION POWDER
Make your own onion powder. Very easy!
Peel and finely chop your onions.
Spread the onion pieces out on a tray and heat in a 65ºC oven until dry.
Tip: The onions are dry when you can easily crumble the chopped pieces in your hand.
Allow the onions to cool. Grind with a coffee grinder, spice mill, food processor or mortar and pestle until you reach your desired consistency.
Store your finished onion powder in an air-tight container in a cool, dry spot or freeze it.
Recipe: Amanda Conradie




PIKKIE SE WOESTYN BILTONG STOKKIES


PIKKIE SE WOESTYN BILTONG STOKKIES
1 kg rump steak gesny in dun repies
50 g Safari biltong speserye
1 teelepel fyn swart peper
40 g sagte bruinsuiker
Ongeveer 25 g (na smaak) koljander. Het heel koljander eers geskroei en toe fyn gemaak in die blender
1 koppie bruin asyn
knypie fyn sout (ongeveer ‘n ½ teelepel)
½ koppie Worcester sous

Nadat vleis in repies gesny is het ek hulle laat lê in die asyn en Worcester sous vir so 5 minute.
Daarna uitgehaal en so effens droog gemaak.
Ek het al my droë bestanddele gou weer deur die blender gesit om te meng – Safari speserye, sout, bruin suiker, koljander en swart peper.
Ek het al my repies vleis met die droë mengsel bestrooi en dit sommer so met my hande gemeng in ‘n bak.
Die bak met deksel is toe yskas toe vir ‘n paar uur. (ongeveer 5 ure)
Daarna weer met hande gemeng en opgehang in my droër.
My eerste stukkies biltong stokkies is gereed in minder as 24 uur.
Hierdie mengsel is vir ongeveer 1 kg vleis.
Resep geplaas deur Pikkie Langenhoven
Foto: Pikkie Langenhoven




HEERLIKE TUISGEMAAKTE TOEBROODJIESMEER

HEERLIKE TUISGEMAAKTE TOEBROODJIESMEER
2 medium wortels, geskil
1 medium ui, geskil
1/2 green pepper
1/2 teelepel rooi pepper
1/3 komkommer
wit asyn
300 ml mayonnaise
3 ml sout (of na smaak)
5 ml suiker (of na smaak)

Sny al die groente in baie klein blokkies. Sit in ‘n vlekvrye staalbak, en bedek met asyn. Laat oornag staan. Dreineer goed en druk soveel moontlik vloeistof uit, meng met mayonnaise en roer sout en suiker by. Skep in ‘n skoon glasbottel en bêre in die yskas. Die resep maak 1 groot glasbottel vol smeer.
Resep geplaas deur Ilze Garbers Jacobs
Foto: Ilze Garbers Jacobs

Marieta Janse van Rensburg
Ek gebruik nie vars komkommer nie, dit word sleg. Sit gherkins en peppadews in en so klein bietjie kondensmelk om dit ‘n sweet en tangy smaak te gee.




MAAK JOU EIE JOGURT


MAAK JOU EIE JOGURT
1 liter melk
2 eetlepel melkpoeier
2 eetlepels plein jogurt

Maak melk louwarm, meng res van bestanddele by.
Plaas houer in groter houer/pot.
Gooi nou genoeg kookwater in pot sodat dit gelyk met melkmengsel in houer is.
Plaas in oond en sit oond, stel oond op 70 grade C. Laat oornag in oond.
Volgende oggend verwyder houer van pot en plaas in yskas.
Wanneer goed koud kan jy vrugtestukkies en suiker/versoeter by meng en geniet.
Resep geplaas: Ludia Swart




TUISGEMAAKTE MAALVLEIS MET LIESLAP EN SILVERSIDE


TUISGEMAAKTE MAALVLEIS MET LIESLAP EN SILVERSIDE
Ons koop van tyd tot tyd lamsribbetjies wat nog die lieslap (flank) aan het en dan sny ons die lieslap af en koop silverside of topside steak wat ons dan saam maal en sodoende maak ons ons eie ordentlike suiwer maalvleis wat bestaan uit net vleis sonder enige ander goete wat ek nie ken nie.
Ons verhouding is een derde steak en twee derdes lamsvleis (lieslap) wat saam gemaal word en dit is tog te lekker
Ek en vroulief het vanoggend vyftien kilogram maalvleis gemaak, nou kan ons weer lekker frikadelle en lasagne maak, mens kan lekker toor met sulke vleiserigheid.
Idee en foto: Gideon Louw




TUISGEMAAKTE BLOUKAAS EN ROOSMARYN ROOMKAAS


TUISGEMAAKTE BLOUKAAS EN ROOSMARYN ROOMKAAS
Kyk mense, hierdie kefir grains is fantasties! Nooit weer koop ek karringmelk, jogurt of roomkaas nie.
2 liter ROU volroom plaasmelk (RAW)
2 koppies kefir jogurt (gewone griekse double cream ook ok)
sout na smaak
½ teelepel droë roosmaryn
1 blokkie bloukaas

Sit jou kefir grains in 1 liter volroom RAW plaasmelk, bedek met lappie en maak met rekkie vas. Laat staan vir 24 uur. Nou het jy karringmelk. Dreineer jou mengsel in plastiek sif en roer met plastiek/hout lepel tot net jou kefir korrels in sif agterbly (wat jy weer moet bedek met vars melk).
Plaas karringmelk terug in glasfles en bedek. Laat staan vir nog 24 uur. Nou het jy jogurt. Dreineer.
Bring jou 2 liter melk tot kookpunt, meng jogurt en sout in, sit plaat af en bedek tot afgekoel. Skep jou kaas met sif uit in ander sif of met kaasdoek en dreineer tot alle vloeistof uit is. Meng tot glad in elektriese menger en voeg jou bloukaas en roosmaryn in. Bêre in geseëlde glashouer in yskas.
My jogurt resep volg binnekort!
Hierdie jogurt, karringmelk en kaas is 100 keer meer gesond as gekoop.

KEFIR:
WHAT IS KEFIR:   Kefir’s tart and refreshing flavor is similar to a drinking-style yogurt, but it contains beneficial yeast as well as friendly ‘probiotic’ bacteria found in yogurt. The naturally occurring bacteria and yeast in kefir combine symbiotically to give superior health benefit
Lelane Van Der Walt:
Die kefir plantjie om jogurt, karringmelk en kaas te maak is soortgelyk aan die gisplantjie soos hul dit noem om suurdeeg te maak. Die kefir een lyk soos blomkool.
Foto en resep: Lelane Van Der Walt




OVEN-DRIED TOMATOES WITH ROSEMARY


OVEN-DRIED TOMATOES WITH ROSEMARY
15 cherry tomatoes, halved
1 tbsp of olive oil
½ garlic clove, minced
8 rosemary leaves, finely chopped
salt
pepper

Preheat the oven to 150°C/gas mark 2.
Mix the garlic and rosemary into the oil and season with salt and pepper.
Place the halved tomatoes cut-side up on a baking tray and drizzle the flavoured oil over them. Place in the oven and cook for 35–45 minutes or until just starting to dry out, then remove from oven. Store in container in fridge for up to a week.
Photo and recipe: Elize de Kock




PETRE SE TUISGEMAAKTE MOSTERD


PETRE SE TUISGEMAAKTE MOSTERD
Uiteindelik na ‘n hele paar jaar die mosterd resep ontdek wat ek verloor het, en vandag weer in ‘n boek nogsteeds op die papierbord waarop ek dit geskryf het, gekry. Sommer dadelik gemaak en in my boek geskryf.

6 eiers
1 koppie suiker
2 opgehoopte eetlepels mosterdpoeier
1 koppie asyn

Laat trek mosterd en asyn vir ‘n halfuur.
Klits suiker en eiers goed saam.
Voeg mosterd en asyn mengsel by, en kook in dubbelkoker oor stadige hitte tot dik.
Bottel warm.
Foto en resep:  Petré Van Jaarsveld




MAAK JOU EIE MAASKAAS


MAAK JOU EIE MAASKAAS.
Ek maak my eie maaskaas van een liter “double Cream plain yogurt”
Plaas inhoud van yogurt in ‘n vergiettes wat met handoek papier uitgevoer is.
Plaas oor ‘n bak dat vloeistof kan afloop, laat dit oornag in yskas.
Maak 4 houers maaskaas.
Maak gereeld kaaskoek, werk baie goedkoper uit as die bakkies klaar gemaakte maaskaas.
Resep: Thea Loots