PANNEKOEK EN VLA TERT


PANNEKOEK EN VLA TERT
Het so ‘n ruk gelede die pannekoek en vla tert gesien, wil my verbeel dit was op flr. Dankie Almarie vir die hulp en aanmekaar sit van ‘n baie lekker tert/koek, ons dink daar kan baie variasies gemaak word van die lekkerny.
Ek het sommer my gewone pannekoekdeeg gemaak:
1 koppie bruismeel
2 eiers, geskei
sout
2 eetlepels olie
melk om te meng
Meng meel, eiergeel, olie en sout saam in ‘n bak. Giet melk geleidelik by tot ‘n pannekoek deeg. Klits eierwit styf en vou in deeg in. Bak 6 dikkerige pannekoeke.

Vla:
1 liter melk
4 eetlepels vlapoeier
4 eetlepels suiker
2 eiers, geskei en wit half styf geklop
Bring melk tot kook. Meng vlapoeier, eiergeel en suiker saam en voeg by melk. Vou eierwit laaste in, vla is baie dik. Strooi kaneelsuiker op pannekoek, skep vla bo-op en pak in lae tot al 6 pannekoeke gebruik is. Eindig met ‘n laag vla en kaneelsuiker.
Resep en foto: Hennie Van de Merwe




AMARULA MELKTERT


AMARULA MELKTERT
Kors is tennisbeskuitjie krummels en gesmelte botter.
1 blik kondensmelk
¾ koppie Amarula
2 eetlepels gesmelte botter
4 eiers
½ koppie melk
6 eetlepels mielieblom
knippie sout

Meng alles saam, mikrogolf dit vir 7 minute, roer deeglik.
Mikrogolf vir ‘n verdere 5 minute, roer, mikrogolf vir nog 3 minute, gooi in kors, laat afkoel, plaas in yskas vir so 2 ure tot gestol.
Resep geplaas deur Theresa de Bruyn




TIAAN SE KORTPAD LEMON MERINGUE


TIAAN SE KORTPAD LEMON MERINGUE
Jou vulsel:
1 blik kondensmelk
3 eiergele
2 suurlemoene se skil en sap

Klits kondensmelk en eiergele goed saam. Voeg nou die suurlemoene se skil by en meng goed. Voeg nou die suurlemoensap bietjies vir bietjies by en klits goed. (Die suurlemoensap se suur maak dat die vulsel verdik, dit is amper soos ‘n gaarmaak proses). Gooi in gebakte of ‘n krummel tertdop en plaas in yskas terwyl jy meringue voorberei.

Meringue:
3 eierwitte
¼ t cream of tartar (kremetart)
175 g strooisuiker/ gewone witsuiker

Vee jou mengbak en die klitsers af deur ‘n stukkie handdoekpapier te neem en dit klam te maak met bietjie asyn, dan vee jy dit uit. Die asyn maak dat enige vet of ongevraagde goed verdwyn.
Klits nou jou eierwitte en kremetart saam totdat dit sagte punte vorm. Voeg nou jou suiker by eetlepel vir eetlepel en klits totdat dit styf en glad is. Hou die bak onderstebo (versigtig) as die meringue nie uitval nie, is dit reg.
Skep nou met ‘n metaal lepel blopse van die meringue op die tert wat begin stol het in die yskas. Smeer dan met die lepel die Meringue totdat die tert bedek is.(Onthou werk liggies want as jy tert hard werk ontsnap die lug) Maak daai kuifies met agterkant van die lepel.
Bak in voorverhitte oond van 160ºC vir 30-40 min. Verwyder van oond en laat afkoel. Is die lekkerste as dit koud is.
Resep: Tiaan Steyn
Foto: Hanli Wessels




MELKTERT MET TENNISBESKUITJIE-KORS


MELKTERT MET TENNISBESKUITJIE-KORS
1 pak Tennisbeskuitjies
Vulsel:
1 liter melk
25 g botter
3 eiers, geskei
200 ml suiker
4 eetlepels koekmeel
4 eetlepels maizena
knippie sout

Pak die Tennisbeskuitjies onderin die bak. Kook 1 liter melk met die botter. Skei 3 eiers en klits wit styf. Gooi eiergeel by melk voordat dit kook en klits goed. Gooi 250 ml melk in ‘n mengbak saam met suiker, koekmeel, maizena en sout en meng goed. Voeg meelmengsel by melk wanneer kook. Roer aanhoudend met draadspaan totdat dit dik is en kook. Vou eierwitte in, gooi oor die Tennisbeskuitjies en laat afkoel. Gooi kaneel oor.
Resep en foto: Linda Diedericks




SUENELL SE KITS TERT


SUENELL SE KITS TERT
1 pakkies karamel kits-poeding
1 blik Ideal melk
1 blik kondensmelk
200 ml melk
3 velletjies gelatien (geweek)
1 sjokolade koek (myne was oorskiet 240 g, fyn gemaak)

Meng 80 ml van die ideal melk by koek krummels en druk in bak vas vir kors.
Kits poeding, melk, Ideal melk en kondensmelk alles goed saam.
Meng gelatien velle in omtrent 120 ml kookwater tot gesmelt.
Klits gelatien stadig by die res van die mengsel en klits alles baie goed.
Gooi oor koekkors en plaas in yskas vir ‘n uur tot gestol.
Ek het ‘n Due Aro gerasper en oorgestrooi.
Resep en foto: Suenell Liebenberg




GROOTMAAT CREMORA TERT


GROOTMAAT CREMORA TERT
3 koppies cremora poeier
1 pakkie suurlemoen jellie poeier, maak aan met 1 koppie kookwater, laat afkoel
Gooi 1 blikkie kondensmelk by.
1 blikkie gedreinde fyn pynappel, meng goed.
Gooi 3/4 koppie suurlemoensap by en meng goed.
Klop nou 1 blikkie Ideal melk (moet oornag in yskas) lekker styf en vou dit nou by die ander mengsel in tot goed gemeng.
Gooi in voorbeireide kors van jou keuse.
Dit is soos ‘n Cremora yskas tert en kan ‘n nasie voer, maar vir 40 mense sal ek hom dubbel maak.
Resep: Magda Van Der Merwe

Resep:  Elmarie Reyneke Bothma
5 blikke kondensmelk
10 koppies cremora
2 ½ koppie suurlemoensap
Klits tot room. Geen water.
Skep op kors van koekies en botter wat fyn gedruk is.




MAKLIKE MELKTERT


MAKLIKE MELKTERT
100 ml sagte botter of margarien
100 ml suiker
2 eiers
175 ml ongesifte koekmeelblom
5 ml bakpoeier
knypie sout

Klop botter en suiker tot romerig. Klop eiers een vir een by. Sif meel, bakpoeier en sout saam, voeg by en meng deeglik. Smeer deeg met ‘n slaplemmes op die boom en rand van twee tertborde van 24 cm in deursnee.

Vulsel:
750 ml melk
50 ml koekmeelblom
50 ml mielieblom
knypie sout
300 ml suiker
250 gr botter of margarien
4 eiers geskei
2 ml amandelgeursel
kaneelsuiker

Meng 150 ml van die melk met koekmeelblom, mielieblom, sout en suiker tot glad. Verhit res van melk tot kookpunt en klits meelmengsel daarin sodra dit begin kook. Roer tot mengsel prut. Voeg botter by en roer tot gesmelt. Klits eiergele saam en roer by. Klits nou eierwitte tot styf en vou saam die geursel in die melkpap in. Skep vulsel in tertborde, strooi kaneelsuiker bo-oor en bak 20-24 minute by 190°C.
Lewer twee terte van 24 cm
Op foto:  Resep verdubbel en twee diep panne gebruik
Bron: A Jansen van Mariental
Foto: Jenett van der Merwe




ANNA SE SUURLEMOEN MERINGUETERT


ANNA SE SUURLEMOEN MERINGUETERT
Kors:
250 ml mariebeskuitjies, gekrummel
80 ml gesmelte botter
Meng goed deur en druk styf vas in ronde tertbak.

Vulsel:
1 blik kondensmelk
2 jumbo eiers
125 ml vars suurlemoensap
60 ml suiker
2,5 ml bakpoeier
knippie sout

Meng kondensmelk met eiergele en klits goed.
Voeg suurlemoensap by en klits weer.
Giet op tertkors.
Klop eierwitte styf.
Voeg suiker by, klop goed tot stywe punte vorm.
Voeg bakpoeier en sout by en meng deur, skep op vulsel.
Bak in voorverhitte oond teen 160°c tot ligbruin.
Resep: Anna van Lill
Geplaas deur Annetjie Steyn
Foto: Adam Cloete

Comment:
Angelique De Villiers Swart  – dis ook beter as jy die suurlemoen voor die eiers bysit.




MELKTERT MET KONDENSMELKLAAG


MELKTERT MET KONDENSMELKLAAG
30 ml (2 eetlepels) margarien
125 ml (½ koppie) suiker
2 eiers, geskei
125 ml (½ koppie) koekmeelblom
5 ml (1 teelepel) bakpoeier
knippie sout
500 ml (2 koppies) melk

Bolaag:
1 blik (397 g) kondensmelk
125 ml (½ koppie) suurlemoensap
2-3 Tennisbeskuitjies, gekrummel (opsioneel)

Klits margarien en suiker saam. Voeg eiergele by suikermengsel en meng goed.
Voeg droë bestanddele bymekaar.
Voeg meelmengsel by eiermengsel, daarna die melk. Meng goed.
Klits eierwitte styf en vou in mengsel.
Smeer 28 cm tertbak en gooi mengsel in.
Bak by 180°C vir ± 30 minute of totdat dit gaar is en ligbruin bo-op.
Meng kondensmelk en suurlemoensap saam.
Wag totdat tert ‘n bietjie terug gesak het nadat dit uit die oond gehaal is. Smeer kondensmelk mengsel bo-op warm tert.
Krummel Tennisbeskuitjies bo-oor.
Resep geplaas deur Meisie van der Kolff
Photo: Elizma Engelbrecht Olivier




PEPPERMINT CRISP TART


PEPPERMINT CRISP TART
2 packets Tennis biscuits
1 tin caramel condensed milk
500 ml fresh cream (ice cold)
150 g slab Peppermint Crisp chocolate (grate half of slab finely and keep to mix into the cream and condensed milk, cut or chop the other half into small cubes for garnishing the top at the end).

Pack a layer of biscuits on bottom of suitably shaped dish (square or rectangular). My dish takes exactly 5 x 3 rows. Fit paddle attachment onto Kenwood and blend the caramel condensed milk until smooth. In another bowl whip the ice cold fresh cream until thick. Spoon the thickened cream into the bowl with paddle attachment, pour the grated chocolate over and mix just until everything blended.
Carefully spoon and spread 1/3 of this mixture over the biscuits on the bottom of the dish. Pack the next layer of biscuits and repeat the process for a third time ending in a layer of the creamy mixture. Smooth the top and sprinkle the chopped Peppermint crisp over. Put into fridge for a good couple of hours for the biscuits to soften. I prefer leaving it overnight.
Recipe and photo: Elsabie Templeton