1

VLEIS PASTEITJIES

benhet se pasteitjies wiildvleis

VLEIS PASTEITJIES
Ekke het wildvleis afgekook in sout en peper en worchersous en naaldjies en dit fyn gemaak!! En toe maak ekke my eie deeg (dis n eerste)
Deeg is 2koppies koekmeel
1 tl Bakpoeier hoog vol
500 gm margarin wat jy rasper in meel
gooi 1 kop kookwater oor en bietjie sout. Meng als goed en sit in vrieskas so 15 min.
Rol uit en sit jou vleis in en bak 180 grade C tot gaar ligbruin.

NOTA
Deegie is baie pap! Maar word styf in die vrieskas!!!
Ek het hom gemeng gevries en gemeng toe in di yskas gesit tot ek by hom uitgekom het!!! Werk vinnig want sodra deeg warm word, raak hy pap!!! Maar baie lekker!!!!
VIR DIE VLEIS
ekke is baie vol strooi so as die bokke in kom en ons sny bv blokkies vleis of saag die bene op! was ek dit in asyn water! Dit trek baie bloed en ook van die wildsmaak uit! Ek los dit sommer so 5 min in die water! So koppie asyn in n wasbak vol water!! En wanneer ek dit wil gebruik dan gooi ekke die bene vleis in die stoompot! Kook ‘n ruk en dan vervang ek my water met vars water!! Dan sout, peper en lekker spice en so koppie hanepoot!!!! Stoom tot van di been afval!! Dan braai ekke bacon en uie apart en meng met die vleis wat van die beentjies af is! Dan maak ek pies van dit! Sal bietjie van jou ons blesbok skenkel pot resep stuur!!!! Jy eet jou vingers af!!!!! Leka daggie
Benhet Nieuwenhuis



BOKKIE SE MAALVLEIS PASTEI

bokkie se maalvleis pastei

BOKKIE SE MAALVLEIS PASTEI
Maak maalvleis gaar met chutney, heel mielies ens…
Maak Deeg 2 x aan maar apart:
Klits saam:
1/2 kop melk
1/2 kop olie
2 eiers
1 kop meel
3 teel bakpoeier
Knypie sout
1 teel Aromat
Meng alles goed saam
Deeg
Skep 1x deeg beslag onder in oondbak, maak gelyk.
skep dan gaar maalvleis bo op deeg
Skep dan weer 2 de deeg mengsel bo op om die maalvleis te bedek.
Bak ongeveer 30 min tot ligbruin (180 °C)
Maak net seker jou maalvleis is nie te souserig nie, want dit maak jou deeg pap.
Nota: Ek het ook die deeg wat ek bo oor mince geskep het bietjie slapper gemaak deur 50 ml meer melk by te voeg.
Geniet…
Dis Heerlik en maklik.
Bokkie Bekkie



HOENDER EN SAMPIOEN PASTEI

HOENDER EN MUSHROOM PIE

HOENDER EN SAMPIOEN PASTEI
VULSEL:
2.5 kg hoender
250 ml semi soet witwyn
250 ml water varsgemaalde swartpeper
5 ml hoenderspesery
2 ml tiemie
2 ml pietersielie
1 ml zeal (aromat)
5 ml uievlokkies
250 ml vars broodkrummels
250 g groot swart sampioene
koekmeelblom om in te rol
geklitste eier om in te rol
110 ml botter

KORS:
500 ml koekmeelblom
2 ml sout
5 ml bakpoeier
200 ml botter
1 eiergeel
85 ml water
10 ml suurlemoensap

Kook hoender sag in die water, wyn en al die speserye.
Voeg nog water by indien nodig.
Verwyder bene en sny die vleis in stukkies.
Skep vet van sous af en voeg die krummels by.
Voeg vleis by die sous.
Vee sampioene met ‘n klam lap af.
Rol in bietjie meelblom, dan in geklitste eier en weer in die meel.
Braai baie liggies in die botter.
Plaas vleis in gesmeerde oondskottel.
Rangskik die sampioene bo-op, steeltjies na onderVir die kors:
Meng droë bestanddele saam.
Vryf botter baie liggies in.
Meng eiergeel, water en suurlemoensap saam.
Voeg by droë mengsel en maak aan.
Rol uit en bedek hoendervulsel met deeg.
Smeer ‘n bietjie melk oor.
Bak in voorverhitte oond van 200ºC vir ongeveer 30 minute.




BACON KIP HOENDERPASTEI

tested
BACON KIP HOENDERPASTEI
1 kg hoender
250 ml mayonnaise
250 ml gaar rys
2 hardgekoote eiers
1 pakkie roomsampioensop
1 pakkie hoenderroomsop
1 pak tamatie chips of bacon kips

Kook die hoender sag in baie water, moenie sout opgooi nie.
Maak fyn en haal al die beentjies uit.
Maak die soppoeier aan met die sous van die hoender en voeg water by totdat dit 850 ml is.
Meng alles saam en gooi in oond bak. Bak vir 30min by 180°C.
Maak chips of bacon kips fyn, gooi bo-oor en bak weer vir 30min.
Bedien saam met lekker vars slaai.
*Vriendin – Rina Kleinhans




Tuisgemaakte Worsrolletjies

BESTANDELE

Vulsel:

1kg maalvleis
15ml sout
25ml spekvleis, swoerdloos, gesnipper
knypie neutmuskaat
tafelsmaakmiddel na smaak
2 snye witbrood (gekrummel)
25ml asyn
10ml koljander
knypie kaneel

Deeg:
4 x 250ml koekmeelblom
500g botter
1 eiergeel
5ml sout
12.5ml suurlemoensap
250ml water

Vulsel:
Braai al die vulsel bestanddele saam totdat die vleis geurig bruin verkleur is. Laat afkoel.

Deeg:
Sif meelblom en sout saam.
Vryf botter in tot dit lyk soos broodkrummels.
Voeg eiergeel, suurlemoensap en genoeg
water by om ‘n hanteerbare deeg te vorm.
Rol deeg uit op ‘n meelbestrooide oppervlak. Plaas bietjie vleis bo-op deeg.
Smeer kante met eierwit. Rol op.
Verf mengsel van geklitse eiergeel en melk bo-oor.
Bak vir 45 minute lank in ‘n voor verhitte oond teen 180°C tot goudbruin.
Sny in worsrolletjies.
Lewer ongeveer 5 dosyn worsrolletjies.

Boerekos.com




KORSLOSE HOENDER PASTEI

tested
KORSLOSE HOENDER PASTEI
1 hoender
2 eiers
¼ koppie mayonnaise
1 koppie gekoote rys
2 pakkies Simba chips
1 steel selery
1 blikke room sampioene sop
1 pakkie sampioen sop
1 ui
1 koppie ertjies
hoender aftreksel
melk en water
gerasperde kaas

Kook hoender en sny in fyn blokkies.
Kook eiers hard en sny fyn.
Druk Simba chips fyn.
Maak sop aan soos op aanwysings maar vervang die helfte van die vloeistof met melk en die ander helfte met water.
Kap ui fyn en en braai in botter.
Meng alles behalwe aftreksel saam.
Plaas in oondbak.
Indien te droog voeg hoenderaftreksel by.
Strooi gerasperde kaas oor.
Bak in oond teen 200º C vir 10 tot 15 minute.
Wenk
Hierdie gereg kan net so gevries word voordat dit gebak word.
Ontdooi en bak dan soos bo beskryf.
Hierdie mengsel is genoeg vir twee groterige pasteie of 3 kleinerige pasteie.

BRON: Lorna Whyte




WILDSPASTEI MET SKAAPSKENKELS


WILDSPASTEI MET SKAAPSKENKELS
(Bedien 10-12)
1.5 kg wildsblad of -boud
375-500 ml karringmelk
125 g swoerdlose spek, gekap
2 eetlepels botter
1 groot ui, gekap
3 knoffelhuisies, gekneus
500 g skaapskenkels, in 25 mm-skywe gesaag
2 eetlepels koekmeelblom
1 teelepel sout
vars gemaalde swartpeper
1 heel ui, geskil met 5 naeltjies daarin gesteek
2 lourierblare
2 teelepel fyn koljander
2 koppie aftreksel, verhit
1 koppie rooiwyn
400 g skilferkorsdeeg
1 eier, geklits

Marineer die wildsblad of boud in karringmelk vir een dag in die yskas. Druk vleis droog en gooi karringmelk weg. Sny dit in 25-mm blokkies.
Braai spek in verhitte botter of olie tot bros en skep uit. Braai gekapte ui in dieselfde kastrol tot sag saam met die knoffel. Skep uit. Voeg ‘n bietjie olie by en braai lamskenkels in dieselfde kastrol tot goudbruin. Skep uit.
Bedek die stukkies wildsblad of boud met koekmeelblom en braai ‘n paar stukkies op ‘n keer tot goudbruin. Voeg lamskenkels, spek en uie by wildsvleis in kastrol. Geur met sout en varsgemaalde swartpeper, en voeg die heel ui met naeltjies by. Voeg ook die lourierblare en koljander by, gevolg deur aftreksel en rooi wyn. Verhit tot kookpunt, verlaag temperatuur en bedek met ‘n deksel. Laat prut 3-4 uur, of tot die vleis sag is en van die bene afval. Laat afkoel en verwyder bene en heel ui. Vlok vleis. Prut die sous totdat dit dik is. Laat afkoel.
Meng sous by die vleis soos verlang, skep in ‘n groot pasteibak en versier met deegrepies. Prik deeg met ‘n vurk. Verf met geklitste eier en bak 15 minute by 230°C. Verlaag temperatuur tot 180°C, en bak nog 30-35 minute. Bedien met gestoofde droëvrugte.
Resep geplaas deur Rene Truter Wessels




WILDSPASTEI

FLR BB I must not mess in the Kitchen
WILDSPASTEI

1.5kg skenkels met vleis aan of opgesaagte nek
½ pakke ontbytspek of 2 russians opgesny
1 teel sout
1 ui gekap
250g vars sampioene of 1 blikkie
25ml asyn
Peper na smaak
4 heel naeltjies
15ml worcestersous
2 teel bisto

KORS
125ml meelblom
2 teel bakpoeier
Knippie sout
2 eetl botter
½ kp melk
1 eier

Bedek skenkels met water in dikboomkastrol. Voeg asyn, naeltjies, uie, sout en peper by en kook vir 3-5 uur oor matige hitte tot sag. (kan ook in in die druk koker gedoen word, dan is die tyd baie korter.) Voeg nou die ontbytspek/Russians en sampioene by en kook nog vir 30 min. Verdik nou die sous in die kastrol met bisto en worcestersous. Skep oor in vuurvaste bak. Maak pasteikors.
Sif al die droe bestandele . Vryf botter met vingerpunte in die meel in. Klits die eier en voeg die melk by. Meng die meel om ‘n slap deeg te vorm. Skep met lepel oor warm gaar vleis en bak vir 10min by 200 grade tot goudbruin. Geniet hom

Bron:  Greeff Heydenrych




STEAK AND KIDNEY PIE

STEAK AND KIDNEY PIE
Treat the family to this traditional steak and kidney pie served with mashed potatoes and roast vegetables.
500 g beef, cubed
250 ml red wine
15 ml oil
1 packet Knorr Hearty Beef Stew Cook-in-Sauce
1 egg, lightly beaten
500 g lamb kidneys, cleaned and cubed
50 g flour
250 ml water
1 roll (400 g) puff pastry

Marinate the beef cubes and kidneys in the red wine, preferably overnight
Dust the cubes with flour reserving the wine for later use
Fry the cubes in oil to brown
Add the Knorr Hearty Beef Cook-in-Sauce, the reserved wine and water and simmer for 25-30 min
Place in an ovenproof dish or 4 individual dishes
Roll out the pastry and place over the mixture to create the top of the pie
Brush with beaten egg
Bake the pie at 200°C for 15 min or until golden brown
erve with mashed potato and vegetables
Posted by Linda Venter




KAAS EN UIEPASTEI

KAAS EN UIEPASTEI
Kors:
25 ml margarien
1 eier, geklits
250 ml volkoringmeel
5 ml bakpoeier
3 ml sout
Smelt die margarien en klits dit en die eier saam. Sif die droë bestanddele saam en voeg die eiermengsel daarby. Meng dit tot ‘n sagte deeg. Voeg bietjie water daarby indien nodig. Verdeel die deeg in twee dele en voer ‘n gesmeerde tertbord met die een helte van die deeg. Druk dit vas met die
vingers. Hou die ander helfte eenkant.

Vulsel:
12.5 ml olie
2 middelslag uie, gekap
500 ml gekapte grasuie
12.5 ml sampioen soppoeier
5 ml sout
varsgemaalde swartpeper na smaak
Knippie rooipeper
375 ml gerasperde kaas
1 eier
250 ml afgeroomde melk
Verhit die olie en soteer die uie totdat dit sag en deurskynend is. Verdeel die uie in twee dele. Soteer
die grasuie ongeveer 5 minute lank. Meng die een helfte uie, die grasuie en die soppoeier, sout en peper en 250 ml van die kaas. Klits die eier en melk saam en voeg by die kaasmengsel. Skep die vulsel in die voorbereide kors. Rol die res van die deeg uit in ‘n sirkel met dieselfde deursnee as die tertbord en bedek die vulsel daarmee. Vorm die rande netjies en sny’n kruis in die middel. Bak die pastei ongeveer 20 minute lank in ‘n voorverhitte oond by 190ºC. Haal uit die oond, versprei die res van die uie
egalig bo-op en strooi die res van die kaas oor.
Bak dit nog 10 – 15 minute lank.