Category Archives: Melkkos

JUDY SE MELKSNYSELS
2 ½ koppies meel
2 hoogvol teelepels bakpoeier
knippie sout
2 groot eetlepels margarien
4 liter melk

Sif meel, bakpoeier en sout saam. Vryf margarien in. Maak deeg aan met bietjie water. Rol uit en sny baie dun repies. Laat melk kook en gooi snysels in.
Ek laat die melk kook op die stoof en gooi dit dan in die slow cooker. Laat op low prut vir ‘n paar ure. Maak ook net die helfte. Gooi die ander snysels in ‘n roomysbak met baie meel oor en vries vir later gebruik. Gooi kaneelstokkie by die melk. Bedien met kaneelsuiker.
Foto en resep: Judy Bester

MELKKOS MET BOEBER
3 pakkies boeber mix
3 sakkies melk (1 liter elk)

Melk gebring tot kookpunt en voeg boeber mix by, draai hitte baie laag.
Roer aanmekaar tot amper styf en die dikte van sop.
Kook op stadige hitte tot boeber gaar is en die sago blink ogies maak.
Bedien met kaneelsuiker.
Foto: Jolene Smith

ROOM MELKKOS
300 ml room
60 ml meel
¾ eetlepel vol botter
1 teelepel kaneel en suiker gemeng
bietjie sout
kaneel vir bo-oor

Continue reading→

COLINDA SE MELKKOS
Verhit 2 liter melk tot net voor kookpunt. Gooi bietjie sout by. Meng 8 eetlepels maizina met water. Voeg by melk. Plaas terug op plaat. Roer aanhoudend en kook oor lae hitte tot gaar.

Bedien met botter, suiker, kaneel en biltong!
Foto: Colinda Kvam

THEA SE MAKLIKE MELKKOS
Ongeveer 6 porsies
2 liter volroommelk
310 ml koekmeel
3 ml sout
45 ml botter
kaneelsuiker, om mee voor te sit
knypie gemmer poeier

Verhit die melk in ’n groot kastrol tot net onder kookpunt.
Terwyl die melk warm word, meng die meel, gemmer en sout saam in ’n bak en vryf die botter daarby in met jou vingerpunte (jy kan dit ook in ’n voedselverwerker doen).
Continue reading→

KONDENSMELK MELKKOS
1 blik kondensmelk
2 koppies water
1 liter melk
1 koppie meel
125 ml botter
bietjie sout
Continue reading→

ADRI SE DOODGEWONE MELKKOS
Doodgewone melkkos, maar net mooi opgedien, want ons eet mos met ons oë ook 🙂
1 blikkie kondensmelk
500 ml water
1 liter melk
125 gr botter
Knippie sout

Kook alles saam.
Meng daarby so 250 ml koekmeel en kook tot dik en gaar.
Ek gooi ook 5 ml vanilla essense by.
Dien op met kaneelsuiker. Ek het dit in glas koppies geskep in lae met kaneelsuiker tussen die lae.
Foto en resep: Adri Redlinghys

CHRISTELLE SE MAKLIKE MELKKOS
Ek maak gereeld melkkos. Dit vat so 10 minute.
Sit 2 liter melk op die stoof om te begin kook. Moenie hitte te hoog stel nie, dit sal aanbrand en oorkook.
300 ml meel (Ek sit dit sommer in ‘n maatbeker om af te meet)
1 teelepel sout
2 eetlepels botter
1 teelepels vanilla
7 teelepels suiker

Vryf die botter en sout in die meel in en werk goed deur.
Wanneer die melk begin kook, voeg jy die meel stelselmatig by en klits deur soos jy ingooi met ‘n ballon klitser(whisk).
Continue reading→