BEETKOEK MET APPEL EN BOSBESSIES

 

Beetkoek versier met roomkaas en neutetested

BEETKOEK MET APPEL EN BOSBESSIES
625ml koekmeel
10ml bakpoeier
7.5ml koeksoda
15ml gemengde speserye
5ml sout
375ml ligte bruinsuiker
300ml olie
4 eiers
Gerasperde skil van een lemoen
5ml vanilla
250ml granny smith appel gerasper
500ml rou beet gerasper
100g pekanneute of okkerneute gekap
60ml bosbessies
Metode:
Voorverhit die oond tot 180°C. Smeer ‘n losboomkoekpan en voer die bodem met gesmeerde bakpapier uit. Sif die koekmeel, bakpoeier, koeksoda, speserye en sout saam. Klits die suiker, olie, eiers, lemoenskil en vanilla saam totdat dit deeglik gemeng is. Voeg die res van die bestandele by en vou laastens die droe bestandele met ‘n groot metaallepel in. Giet die mengsel in die voorbereide koekpan en bak vir sowat 45min of totdat die toetspen skoon uitkom. Laat de koek afkoel en keer dit uit. Versier met roomkaasversiersel of sit bloot versiersuiker bo-oor.
ROOMKAASVERSIERSEL
Maak ‘n basiese botterversiersel met botter en versiersuiker en voeg dan 250g roomkaas daarby. Klop tot glad.

Foto:  Rina Kleinhans

 

 




SJOKOLADEKOEK SONDER EIERS


SJOKOLADEKOEK SONDER EIERS
2 koppies meel
1 ½ koppies warm melk
¼ teelepel sout
1 teelepel bakpoeier
½ teelepel koeksoda
1 teelepel vanielje
1 koppie suiker
7 eetlepel kakao
3 eetlepel kookolie

Sif droë bestanddele 3 keer saam.
Klits melk, olie en geursel saam.
Maak aan met droë bestanddele tot ‘n slap mengsel.
Gooi in diep koekvorm, bak ongeveer 30 min. by 180 °C.
*NG Gemeente onderstepoort  Bak sonder eiers*
Foto: Jane Lerm




WORTELKOEK (mikrogolf)

mikrogolf wortelkoek
WORTELKOEK (mikrogolf)

Klits:
2 eiers
125ml gerasperde appel of pynappel
170ml kookolie
250ml gerasperde wortel
200ml bruinsuiker
Voeg by:
300ml koekmeel
250ml neute, gekap
5ml bakpoeier
5ml vanilla
5ml kaneel
5ml koeksoda(met bietjie melk gemeng)
2ml sout
Metode:
Gooi in ringkoekpan wat met Spray & Cook gespuit is. Bak 12 minute, Med High (70%).
Versiersuiker
160ml maaskaas
60ml margarien
500ml versiersuiker
5ml vanilla
Klits goed en gooi oor koek as dit afgekoel is.

Resep en foto:  Veronica Roux  – Hi julle, ek’t hierdie resep by ‘n vriendin gekry. Dis baie lekker!!




LEMOENSTROOPKOEK MET DADELS


LEMOENSTROOPKOEK MET DADELS
1 koppie botter
3/4 koppie suurmelk
2 eiers
2 eetlepels versuikerde lemoenskil
½ koppie gekapte neute
knypie sout
1 koppie kookwater
1 koppie suiker
1 teelepel koeksoda in melk
1 koppie gesnyde dadels
2 koppie koekmeel

Gooi kookwater oor dadels. Room botter en suiker en voeg eiers een een by. Voeg dadels, lemoenskil en neute by. Meng laastens meel en melk om die beurt by Bak in gesmeerde panne by 375 grade F vir 25-30 min. Haal uit oond en gooi koue stroop oor
STROOP:
Meng sap van 2 lemoene, 2 teelepels gerasperde skil en 1 koppie suiker, smelt op lae hitte, verkoel en gooi oor warm koek.
Ander resep se mens kan stroop warm oorgooi.
Foto: Riki van der Walt –  Ongelooflike lekkerte deurdrenk van stroop – ideaal vir nagereg met dun, stomende vla vir die winter!




BASIESE VANILLA KOEK BESLAG MET 4 VARIASIES

harry se sjok koek
BASIESE VANILLA KOEK BESLAG MET 4 VARIASIES
120 g (130 ml) botter
110 g (185 ml) strooisuiker
7 ml vanilla geursel
2 groot eiers
240 g (440 ml) koekmeel
10 ml bakpoeier
125 ml melk
Voorverhit die oond tot 180°C. Klop die botter tot lig, voeg die strooisuiker bietjie-bietjie by en klop goed. Voeg die vanilla by en daarna die eiers een- een, klop goed na elke byvoeging. Sif die meel, bakpoeier en ‘n knippie sout saam. Vou dit om die beurt met die melk by die bottermengsel. Skep in gesmeerde en gevoerde ronde koekpan van 22cm. (ring pan werk ook baie goed en versier pragtig) Bak vir 45min of tot die toetspen skoon uitkom. Laat vir 10min in die pan afkoel. Keer uit en laat verder afkoel op ‘n draadrakkie. Versier met botterversiersel of soos verlang.

VARIASIES
SJOKOLADEKOEK
Verminder die hoeveelheid koekmeel met 50 ml, verhit die melk en voeg 50 ml kakaopoeier en 10 ml suiker by. Roer tot opgelos en laat afkoel, volg resep soos bo.

LEMOENKOEK
Verminder die hoeveelheid melk tot 65 ml en voeg 60 ml vars lemoensap by. Voeg 5 ml gerasperde lemoenskil by. Volg resep soos bo.

SUURLEMOEN OF LEMMETJIEKOEK
Verminder die hoeveelheid melk tot 100ml en gebruik 25 ml suurlemoen- of lemmetjie sap. Voeg 7 ml gerasperde suurlemoen- of lemmetjie skil by. Volg resep soos bo.

KLAPPERKOEK
Voeg 100 ml droë klapper by en verminder die hoeveelheid koekmeel met 50 ml. Volg resep soos bo.

BOTTERVERSIERSEL.
Klop 225 g (245 ml) sagte botter en 460 g (885 ml) gesifte versiersuiker saam. Voeg 50-60 ml melk bietjie-bietjie by tot die mengsel glad en smeerbaar is. Geur met 10ml vanilla geursel of 5 ml gerasperde skil om te pas by die koek, of gebruik 400 g  versiersuiker en 60 g (190 ml) kakaopoeier vir sjokoladeversiersel.

 

 




SECRETS CARROT CAKE

wortelkoek

 (Beautiful and Moist Cake)
INGREDIENTS
2 cups of Sugar
1 ½ cups Sunflower oil
2 cups Flour
2 tsp Bicarb of Soda
2 cups grated Carrots (I prefer to peel them)
¾ cup Coconut
2 Pink Lady apples, peeled and grated
1 cup Sultanas (yellow raisins)
4 eggs
2 tsp Cinnamon
1 tsp Salt
1 cup Peacan nuts (chopped)

METHOD
Preheat oven to 180 degrees C.
In a large bowl, mix carrots, apple, coconut, nuts and raisins.
Sieve together in a separate bowl all the dry ingredients.
In electric mixer, beat sugar, eggs and oil till smooth and light in colour.
Slowly, spoon by spoon and while mixer is running at low speed, add the dry ingredients.
Remove from mixer and pour the mix into the fruit and nut mix. With a wooden spoon mix till well incorporated.
Grease a large Bundt pan and pour mixture into pan.
Bake for 1 hour. Test if ready by putting a knife in. If clean the cake is done, if not bake for another 20 min at 150 degrees C.
Leave cake in the pan till cool and turn out on wire rack.
Frost with cream cheese frosting.

Enjoy

Glynn Bell




PATATKOEK

2015-11-01-patatkoektested

PATATKOEK
(Hierdie koek is vir my amper lekkerder as n wortelkoek)
Patats is nou volop. Probeer dit gerus.

KOEK
375 ml olie
1 1/2 k strooisuiker
4 e kookwater
4 eiers, geskei
375 ml patat, geskil en grof gerasper
100 g pekanneute, gekap
5 ml vanielje
2 k koekmeelblom
1 e bakpoeier
1 t fyn kaneel
knypie fyn neutmuskaat
knypie sout

VERSIERSEL
60 ml sagte botter
2 k versiersuiker, gesif
125 g geroomde maaskaas
50 g pekanneute, gekap
bietjie fyn kaneel

Stel oond op 180C. Klits olie en strooisuiker saam. Voeg kookwater en eiergele by en klits vir 5 min. Roer patat, neute en vanielje by en meng goed. Sif meel, bakpoeier, kaneel, neut en sout en roer by eiermengsel. Klits eierwitte styf en vou by mengsel in.Skep deeg in twee gesmeerde panne en bak vir ongeveer 30min of tot toetspen skoon uitkom. Laat koeke effens afkoel.
Versiersel: Room botter en versiersuiker tot liggeel. Voeg bietjie maaskaas by indien te styf en klits tot glad. Roer maaskaas met lepel by. Nie te veel roer nie. Smeer versiersuiker op koeke en rond af met neute en kaneel.
FOTO:  Jeanette Martins




THE EASY CHOCOLATE CAKE/ WIT KOEK

CHOCOLATE CAKE

THE EASY CHOCOLATE CAKE/ WIT KOEK
750 ml cake flour
4 teaspoons baking powder
1 teaspoon bicarbonate of soda
2 cups sugar
80 ml cacao
2 cups boiling water
1 cup cooking oil
50 ml vinegar(white)
2 teaspoons vanilla essence
pinch of salt

Just place all of the ingredient in 1 bowl and mix even in the pan you want 2 bake it for +- 20 minutes
Its not a dry cake you will never use other ingredients again

VIR DIE WITKOEK VARIASIE
3 koppies meel
20 ml bakpoeier
2 koppies suiker
5 ml koeksoda
2 koppies kook water
1 koppie olie
10 ml vanilla
50 ml asyn
Knippie sout.
Metode soos bo.

Resep geplaas deur:  Natascha Du Toit

 




VANILLA KOEK-CUPCAKES

VANILLA CUPCAKEStested

VANILLA KOEK-CUPCAKES
Goed hier gaan ons vir die koek resep. Dit kan gebruik word vir ‘n gewone koek asook vir cupcakesVir die stroop
100g strooisuiker
100ml Water
5ml Vanilla
Kook tot suiker opgelos is en laat vir so 2 minute prut. Laat afkoel Die stroop smeer jy met ‘n pastry kwassie oor die warm koek
Vanilla Koek
200g sagte margarine of botter
200g strooisuiker
10ml Vanilla
4 eiers liggies geklits
200g Bruismeel (gesif)

Klits margarine tot lig en donsig (die geheim is om dit baaaaie goed te klits
Voeg vanilla by.
voeg die eiers een derde op ‘n slag by en klits baie goed.
Voeg nou die meel by een deerde op ‘n slag. moet glad nie dit te lank meng nie want dan raak die koekdeeg taai.
Oond 180 grade C vir 35 minute of tot gaar
15cm ronde koekpan of om en by 13 cupcakes
cupcakes baktyd is vir my so 25 minute
onthou om die stroop oor die warm cupcakes te smeer.

Versiersel
450 gesifte versiersuiker
200g sagte botter
5ml Vanilla
klits botter vir omtrent 5 minute. Dit moet spier wit wees
Nou voeg jy die icing sugar een derde op ‘n slag by en na elke byvoeging klits jy dit ook vir so 2 – 3 minute
Gooi die vanilla by en klits
Gebruik gel kleursel. Die vloeistof een maak die icing baie sag. Vir die manier hoe om die versiering te doen moet Piet maar vinnig Oppie koppie toe gaan .
O ja en onthou hierdie stroop kan jy op enige koek smeer. Dit hou die koek heerlik klam.
Resep en foto: Diane Roode Hancox




ROLKOEK-JAM ROLL

SWISS ROLLtested

ROLKOEK-JAM ROLL
hierdie is my ma s’n, en glo my ek was altyd die jam roll queen met hom!
BESTANDELE
1 kop koekmeel,
1 kop castor sugar,
2 teelepels bakpoeier,
4 eiers.
METODE
klits eiers en suiker baieeeee goed, voeg bakpoeier en meel by! bak vir 7-10 min by 190 grade C – as jy hom uithaal gooi hom op ‘n klam vadoek wat met bietjie suiker bestrooi is.  Rol op met die hulp van die vadoek, rol hom weer af, smeer jou konfyt lekker dik op en rol dan weer op sonder die vadoek.
Geniet hierdie rolkoek.. dis ‘n wenner
Riana Du Plessis