Category Archives: Groente / Vegetables

PUMPKIN AND SWEET POTATO (KUMARA)
2 cups square sliced sweet potatoes (kumara)
2 cups square sliced pumpkin
½ cup (or more) streaky bacon
1 teaspoon crushed black pepper
1 tablespoon brown sugar
½ teaspoon cinnamon

Boil potatoes till soft, remove and drain.
Boil pumpkin till soft, remove and drain.
Fry bacon till brown, then add everything together in the pan and fry together for 5 min.
Recipe and photo: Garry Landman

LORRAINE SE AARTAPPELGEBAK
klein aartappeltjies (hoeveel jy nodig het)
1 prei gekerf
1 pakkie gesnipperde ontbytspek
½ pakkie bruin sampioene, gekerf
kaas
swart peper en sout na smaak

Kook aartappels tot gaar en plaas in ‘n bak.
Braai spek, gekerfde prei en sampioene apart van mekaar. Voeg alles saam en braai dit weer. Strooi dit oor die aartappels en strooi kaas oor.
Plaas dit in die warm oond vir so 10 min en plaas dit daarna op rooster tot die kaas goed gesmelt is.
Resep geplaas deur Lorraine Lolla Mouton
Foto: Lorraine Lolla Mouton

GEBAKTE CHINESE KOOL
1 kopkool
2 groot uie, opgesny
1 groot eetlepel botter
1 eetlepel olyf olie
250 g gesnyde spek
2 Russians, opgesny

Kerf kool op tot op stronk.
Braai  uie in kastrol met botter en olyf olie.
Voeg  spek en russians by en braai tot deurskynend – nie bruin nie.
Skep spek mengsel uit en braai nou kool in dieselfde kastrol, tot amper sag.
Voeg geurmiddels by.
Ek het 1 teelepel aromat en swartpeper by gevoeg as ook so ½ gerasperde neurmuskaat.
Wanneer die kool amper sag is, Skep in ‘n gesmeerde bak. Strooi die spek mengsel bo-oor die kool.
Meng 1 pakkie wit uie sop poeier met ‘n koppie room en ‘n pakkie cheddar kaas sous.
Voeg daar by 1 hoogvol eetlepel meel.
Meng goed, gooi alles oor kool mengsel, strooi kaas oor soos goed dink.
Bak in 180°C oond vir ± 40 min tot kaas mooi bruin is.
Resep geplaas deur Alta Gunter van Dyk
Foto: Alta Gunter van Dyk

KERRIE AARTAPPELS
Die kerrie aartappel resep wat ek altyd gebruik:
6-8 aartappel geskil in blokkies gesny en gaar gekook

Sous:
Braai ‘n gesnipperde ui saam:
2 eetlepels kerriepoeier
1 eetlepel asyn
1 eetlepel suiker
Voeg by:
1 koppie blatjang
1 koppie water
1 eetlepel maizena gemeng in water en kook tot sous
Gooi die sous oor die aartappel en bedien. Kan ook rosyne of gesnipperde chives bysit.
Resep en foto:  Zonia Visser

BIANCA SE AARTAPPEL EN KAAS KOEKIES
3 medium aartappels
12,5 ml (1 eetlepel) koekmeel
1 eier, geklits
5 ml (1 teelepel) sout
40 g (100 ml / ¾ koppie) kaas, gerasper

Skrop, skil en rasper die aartappels en meng met die ander bestanddele.
Verhit ʼn klein bietjie olie of vet in ʼn pan en braai lepelsvol van die mengsel totdat die koekies aan albei kante ligbruin is.
Resep en foto: Bianca Wolmarans

IDEES VIR GEELRYS SOOS DIE VAN OCEAN BASKET
Marlene Sauer
Kan ek asseblief vra vir ‘n geelrysresep soos die van Ocean Basket.
Flipkotie Olivier
Ek “probeer” op die oomblik om te maak vir aandete. Ek het wortel, uie, seldery en gras ui alles klein opgesny en dit liggies in ‘n pan gebraai met sout en peper. My een koppie rys opgesit met turmeric. Oomblik toe rys begin kook, het ek my groentes by die rou rys ingegooi. Daar kom ertjies ook in. Maar my seun eet nie ertjies daarom is myne ertjie-loos.
Dit het nogal lekker uitgekom. Ek so bietjie suurlemoen uitgedruk oor die rys en gemeng. Dit toe bietjie meer soos die ware een geproe.
Marlene Sauer
Ek het eers my Tumeric geskroei en rys in ‘n bietjie botter gebraai en toe water. Raai sommer. Continue reading→

KAAS GEVULDE AARTAPPELS
8 medium groot aartappels
200 g cheddar kaas (gerasper)

Kook aartappels vir 20-30 minute op hoog. Sny effens oop en druk bietie plat om holtes te maak vir die kaas. Plaas lekker teen mekaar in ‘n gesmeerde bakplaat en stooi kaas mildelik oor. Bak in oond op 180ºC tot al die kaas gesmelt het en bruin begin raak. Dien op saam ‘n vleisie en en slaai. Heerlik by braaivleis ook.
Resep en foto: Mickayla Swart

GEROOSTERDE PAMPOENSKYWE
Nog ‘n koue koue aand, maar het ‘n laaaang dag van skool gehad, en het nie krag vir pampoenkoekies. Dan is die resep altyd ‘n wenner-en die huis ruik na my ma se kos. ❤️
6-8 skywe pampoen met skil aan, en pitte
2 eetlepels olyfolie
sout en peper
gemengde speserye
vars roosmaryn

Meng alles saam en sprei uit oor bakplaat met bakpapier. Bak 20-30 minute by 200°C tot gaar. Bedien met pitte en al bo-oor.
Resep en foto: Ilze Garbers Jacobs