POFFERTJIES (SOOS KOEKSISTERS)

POFFERTJIES (SOOS KOEKSISTERS)
Maak eerste die stroop sodat dit goed koud kan word in die yskas.
STROOP:
2 kp water
4 kp suiker
½ teel kremetart
Smelt en kook 3 min lank. Laat koud word en hou koud deur die bak stroop in ‘n bak ysblokkies te plaas terwyl jy werk.
DEEG:
1 kp room
1 ½ kp melk
2 eiers
4 kp meelblom
4 teel bakpoeier
½ teel sout

Sif meelblom, bakpoeier en sout. Klits room, melk en eiers saam. Meng deur die vleoistof bydie meelmengsel te voeg en goed deur te roer. Skep teelepels vol in warm olie tot goudbruin en plaas dadelik in yskoue stroop. Skep uit en laat afkoel, plaas in die yskas voor opdiening.

Resep:  Rina Kleinhans

 




SJOKOLADE ECLAIRS

eclairs - cheryl

SJOKOLADE ECLAIRS
Basiese deeg (16 eclairs)

1 k kookwater
½ k botter
¼ t sout
1 k gesifte meelblom
4 eiers

Verhit oond tot 375°F. Gooi die water, botter en sout in ‘n kastrol en verhit totdat dit net-net kook. Voeg die meelblom by (alles gelyk). Klop die mengsel dan oor lae hitte totdat dit los kan van die rande van die kastrol en ‘n bol vorm.
Haal die kastrol van die stoof af en klop die deeg nog 2 min. Voeg nou die ongeklitste eiers een vir een by en klop baie deeglik na elke byvoeging. Skep opgehoopte eetlepels vol van die deeg op ‘n ongesmeerde bakplaat (omtrent 6 dm uitmekaar). Vorm elke bol degie langwerpig of spuit deeg deur ‘n groot versierbuis.
Bak die eclairs omtrent 45 min by 375°F. Haal uit oond, sny dadelik ‘n klein spleetjie in elke eclair. Plaas die pan terug en bak nog vir 10 min. Haal uit. Sny die eclairs in helftes (nie heeltemal nie, maar sodat die boonste helfte ‘n deksel vorm) en vul met slagroom of sjokolademengsel. Ons het sjokoladepoeding gebruik wat van ‘n pakkie poedingpoeier aangemaak is. Versier die eclairs dan met sjokoladeversiersel.

Sjokoladeversiersel: (4)
Smelt 2 blokkies onversoete sjokolade of 2 onse en 2 e botter in 4 e warm water in die bo-deel van ‘n dubbele kastrol oor warm water. Haal van die stoof af en roer dan 1 ½ k gesifte versiersuiker daarby. Skep oor eclairs en laat styf word.

Carin Ras Wilson
Foto: Cheryl Ann Maggott Ross