MOLSHOPE

molshope - Jacquestested

MOLSHOPE
3 tot 4 lekker groot aartappels
Groterige klont margarien
2 – 3 ml bakpoeier
Sout na smaak
250 ml room
125 ml gerasperde Cheddar kaas

Skil en kook die aartappels gewoonweg tot sag.
Dreineer en druk fyn.
Voeg die margarien, bakpoeier, sout en ‘n bietjie van die room by en klits dit met ‘n vurk tot lig.
Smeer ‘n oondvaste bak en skep lepelsvol van die aartappels daarin.
Gooi die res van die room bo-oor.
Strooi die kaas dan bo-oor.[ Bloukaas is net so lekker by halveer net die soorte kaas]
Bak dit 20 – 25 minute lank in ‘n voorverhitte oond by 180 °C.

Foto: Jacques Marianne Van Niekerk

Florrie van Heerden
Hi almal, ek maak molshope met n twist…dit is sommer ‘n ete op sigself.
Ek braai spek, uie, tamaties en groenrissie saam en voeg dit dan by die aartapels, gebruik n roomys lepel om mooi ronde balle te vorm




AARTAPPELS VIR BRAAIVLEIS

AARTAPPELS VIR BRAAIVLEIS
1 kg baba aartappeltjies, skoon gewas
1 groot ui gehalveer, geskil en fyn gekap
25 ml matige kerriepoeier
1 brandrissie ontpit en gekap
15 ml fyngekapte vars gemmerwortel
125 ml wynasyn
25 ml olie
2 knoffelhuisies, gekneus fyngemaak
5 ml borrie
3 suurlemoen- of lourierblare
30 ml goue stroop
125 ml aftreksel
AFRONDING:
100 ml grof gekapte koljanderblare (Opsioneel)

Skep die aartappeltjies in ‘n kastrol, bedek met kraanwater, geur met sout, verhit tot kookpunt en kook vir 10min.
Bedek en laat 5min staan.
Verhit intussen die olie in ‘n grootkastrol en voeg die uie en knoffel by.
Roerbraai vir 2-3min.
Strooi die Kerrie, borrie, brandrissie, suurlemoenblare en gemmer oor. Voeg die gouestroop, asyn en aftreksel by.
Verhit tot kookpunt en prut vir 2min.
Dreineer die aartappels en skep in die kastrol met die sous.
Strooi die koljanderblare oor en sit voor met braaivleis.





GEBAKTE KOOL

gebakte kool Charlenetested

GEBAKTE KOOL

Ongeveer koolkop, grof gekerf
1 groterige ui
2 groterige aartappels
ham / viennas / kaasworsies / spek na keuse
1 pakkie “Potato Bake” (Bacon and Cheese)
Gerasperde Kaas
Kook kool op in bietjie soutwater tot net bros. Dreineer goed en skep in gesmeerde oondbak.
Kerf ui en soteer in botter. Skep oor kool.
Skil aartappels en sny in klein blokkies. Kook in mikrogolf tot net-net gaar. Dreineer en braai in botter tot ligbruin. Skep oor kool en uie.
Braai ham, viennas, kaasworsies of spek in botterpan. Skep oor kool-mengsel.
Meng alles liggies met ‘n groot vurk.
Meng “Potato Bake” volgens aanwysings en gooi bo-oor koolmengsel.
Rasper kaas bo-oor en bak in oond (180°C) vir ongeveer 20 minute tot gestol.

Foto:  Charlene Lienkie Dames en Adam Cloete

 




UIEFRITTERS

UIEFRITTERS
3 groot uie
25 g botter
3/4 kp meelblom (185 ml)
1 groot eier
125 ml melk
Knippie sout
Olie vir diepbraai

Skil en kap uie in groterige stukke.
Smelt botter in groot pan en braai uie liggies tot net sag maar nie bruin nie. Sif meel en sout saam, voeg eier en melk by en klits goed deur. Voeg uie by mengsel, skep lepelsvol in warm olie.
Braai omtrent 3 min aan elke kant tot goudbruin. Dreineer op handdoekpapier. Bedien dadelik.

Resep: Retha van So maak mens

 




BYKOSSE EN SLAAI VIR ‘n BRAAI / SPITBRAAI


BYKOSSE EN SLAAI VIR ‘n BRAAI / SPITBRAAI
VOORGEREGTE
Om die hongerpyne te stil kan crudités en doopsouse, taramasalata en bros, vars brood of patees en beskuitjies. Op ‘n koue dag kan self ‘n warm sop in bekers bedien word, maar omtrent 20-30min voordat die hoofgereg bedien word.
BYGEREGTE
Stysel:
Alle vorms van brood is baie gewild, franse brode, rolletjies, kruie- of knoffelbrood, potbrood, mieliebrood, stokbrood en vetkoek
Pap van mieliemeel, stywe- of krummelpap met die tradisionele tamatie en uiesous
Aartappels in die skil gebak, of in foelie in die kole, bedien met botter, suurroom en grasuie
Groente
Warm slaai – vars gekookte groente wat nog bros is met franse slaaisous, of die gewone groenslaai, of die eindelose lys van slaai soos aartappel, wortel, beet, drie bone, koolslaai ens om net ‘n paar te noem. Hou net die balans reg, moenie gebakte aartappels en aartappelslaai maak nie, of pasop vir teveel slaai met mayonnaise oor.
As mens plek het om die disse warm te hou, is die mieliegereg en die mieliepaptert ook ‘n goeie voorstel.

Geplaas deur Rina Kleinhans




PERFEKTE BRAAIBROOD

tested
PERFEKTE BRAAIBROOD
BESTANDDELE
vetkoekdeeg
uie (soos nodig)
spinasie (soos nodig)
Genoeg gerasperde cheddarkaas
bacon (soos nodig)

Metode:
Braai gesnipperde spinasie, uie en bacon saam. Maak deeg plat en versprei gebraaide bestanddele
oor. Strooi gerasperde kaas oor. Rol op. Smeer pan lig met olie/ spray & cook. Sny kepe in deeg en
braai gaar. Laat rus vir 10 minute.

RESEP: Sanchen Grobler




BRAAIVLEIS BAKED BEANS

2015-07-05-braaivleisbakedbeanstested

BRAAIVLEIS BAKED BEANS
1 x 410g Kook Baked Beans in tamatiesous
25 ml bruinsuiker
2 ml droe mosterd
65 ml tamatiesous
4 repe spekvleis fyn gesnipper
50 ml gepkapte ui
50 ml worcestersous

Stel oond op 180°C. Meng alles saam en gooi in oondvaste bak met deksel en bak vir 20 min. Verwyder deksel en bak verder vir 20 min.
Kan ‘n dag voor die tyd gemaak word. Bedien warm of koud.
Foto:  Marie Fourie
Heerlik! Ek het Kerriepoeier en vars gemaalde swart peper asook ekstra ui bygesit. Ek persoonlik sal volgende keer eers alles braai en dan saam baked beans meng en dan sal ek dit vir korter in oond sit. Ek so bietjie bisto ook by gesit toe ek sien sousie bietjie loperig en toe terug in oond gesit. Baie lekker!

 




PYNAPPEL OOR DIE KOLE

PYNAPPEL OOR DIE KOLE
2 pynappels
75 ml botter of margarine
5 ml kaneel
125 ml bruin suiker
125 ml soet wit wyn

Skil die pynappels af en sny in stukke. Rol die stukke in die suiker en deel in 4 porsies op. Plaas elke porsies op aluminium foelie, (blink kant binne) en sprinkel bietjie botter op. Gooi die wyn en kaneel oor. Maak mooi toe en braai vir omtrent 10-15 min oor medium hitte kole.
Heerlik en maklik




MIELIEGEREG

GEBAKTE SUIKERMIELIE GEREGtested

MIELIEGEREG
Heerlik by braaivleis
1 blik room suikermielies
3 eetlepels suiker
3 eiers
½ teelepel sout
2 eetlepel meelblom
¾ koppie melk
1 teelepel bakpoeier
margarine

Meng die meelblom, sout, bakpoeier en suiker saam. Klits die eiers en voeg die mielies en melk by. Voeg die mieliemengsel by die meelmengsel en meng baie goed. Sit in gesmeerde oond bak en sit klontjies margarine bo-op. Bak by 180°C vir ongeveer 1 uur, tot toetspen skoon uitkom en gereg gestol het. Probeer om die gereg gereed te hê wanneer jy gaan bedien, want dit lyk soos ‘n souffle, maar indien nie moontlik nie, verhit in mikrogolf voor bediening vir paar minute.
Bron: Rina Kleinhans




MIELIEPAPBOLLETJIES

MIELIEPAPBOLLETJIES
Gaar mieliemeel pap
250 g spekvleis
2 uie fyn gekap
1 groen soetrissie fyn gekap
1 knoffelhuisie fyn gedruk
1 eier geklits
sout
1 ml rooipeper
50 ml pietersielie fyn gekap
om bolletjies in rol:
2 eiers geklits
sagte broodkrummels
olie vir diepvetbraai

Braai spekvleis tot bros
Voeg uie, soetrissie en knoffel by en braai tot sag
Voeg by mieliepap en meng goed
Voeg die eier, rooipeper, sout na smaak en pietersielie by en meng goed
Vorm in bolletjies so groot soos okkerneute
Doop in geklitste eier en dan in broodkrummels, braai in diep olie tot goudbruin
Bron: Izette Pretorius Smit