1

GEURIGE HOENDERLEWERTJIES


GEURIGE HOENDERLEWERTJIES

500 g hoenderlewertjies
200 ml koekmeel
250 ml melk
“Sweet chillie” sous
Aromat
Olie om in te braai
100 ml Sesame saad
Lê lewertjies bietjie in melk. Druk droog met handdoek papier. Rol eers in meel en dan in sesame saad. Braai apart in olie tot gaar. Gebruik min olie. As alles klaar is, gooi olie weg, en sit lewertjies terug in pan. Voeg die “Sweet Chillie” sous by en laat verhit. Verwyder pan van hitte en laat lewertjies nog 5min in sous staan. Bedien warm op roosterbrood of geniet dit net so of koud vir ‘n versnappering.
Resep geplaas deur: Lorraine Witz Brand




KAASPOTJIES

KAASPOTJIES

Ek is verveeld en krap in ou resepteboeke rond – kom ek af op hierdie resep. Nog nooit gemaak nie, maar as ek die resep so lees, klink dit amper soos gegeurde roomkaas. Maklik genoeg om te probeer. Het dit met die hand afgeskryf van iemand wat ek nie meer kan onthou nie.
250 g sagte maaskaas (ongegeurd)
125 g suurroom of créme fraiche
5 ml Ina Paarmans Green Onion Seasoning
30 ml fyn gekapte sprietuie
Meng al die bestanddele saam en skep in klein patee potjies, verseël en verkoel in yskas. Bedien op beskuitjies met “Sweet chillie” konfyt.
‘n Baie lekker resep uit ‘n ou resepteboek van my (het nog net geëet by iemand se verjaarsdag, maar nog nie self gemaak nie). Ongelukkig geen foto.
Resep geplaas deur: Lorraine Witz Brand




GLISERIEN VERSIERSEL EN VULSELS


GLISERIEN VERSIERSEL EN VULSELS
125 g sagte botter/margarien
1 koppie versiersuiker, gesif
1 eiergeel
2.5 ml gliserien
75 ml kakao
Meng al die bestanddele saam en smeer op een koekie en plaas die ander koekie bo-op.
Resep geplaas: Gillian Kruger Vermeulen

250 g botter by kamertemperatuur
500 g versiersuiker
1 eiergeel, goed geklits
5 ml gliserien
knypie sout
Verroom botter en klits die versiersuiker bietjie op ‘n slag by.
Voeg die eiergeel, gliserien en sout by die bottermengsel en meng goed. Gebruik soos verlang.
Resep geplaas: Janine Smit Mostert




SKILFERKORSDEEG IDEES


SKILFERKORSDEEG IDEES
Neem een rol skilferkors deeg en rol oop.
Kies 1 van die volgende idees en smeer nou van die volgende bestanddele oor die deeg en rol op. Plaas in die yskas vir ‘n half uur. Haal uit sny in skywe en plaas op gesmeerde bakplaat en bak by 200 ºC tot gaar, ongeveer 20 – 30 minute.
Idees:
1.
1 sakkie opgekapte olywe
1 sakkie gegeurde gedroogte tamaties
1 sakkie groenpesto
gekapte rooi en groen soetrissies
Feta kaas
2 koppies gerasperde kaas.
Smeer oor uitgerolde deeg, plaas in yskas vir ‘n halfuur, sny in skywe en plaas op gespuite bakplaat en bak.
2.
2 koppies opgekapte gedroogde vye
1 koppie opgekapte hazel neute
1 bloukaas gekrummel
1 bottel heuning
sesame saad
Smeer soos volg oor uitgerolde deeg,
Drizzle heelwat van die heuning oor, sprinkel opgesnyde vye oral oor die deeg en sprinkel bloukaas oral oor en dan die neute, eindig met Sasame saad bo-oor.
Rol op en plaas in yskas vir ‘n halfuur. Haal uit en sny in skywe en bak op goed gesmeerde pan tot gaar.
3.
Botter
2 koppies sprinkel grondboontjies
1 blik tert appels gedreineerd
suiker en kaneel gemeng
Smeer botter oor uitgerolde deeg en rangskik die appels op die deeg, sprinkel kaneelsuiker oor en dan grondbone bo oor.
Rol op en plaas in die yskas vir ‘n halfuur, haal uit en rol op en sny in skywe. Plaas op goed gesmeerde bakplaat en bak tot lig bruin.
4.
Marmite
fyn gesnyde biltong
gegeurde groen en rooi soetrissie
feta kaas
“Green onion Smooth” gegeurde roomkaas
2 koppies gerasperde Cheddar kaas
Rol deeg uit en smeer met Marmite, smeer bietjie van die roomkaas bo-oor en sprinkel die biltong, dan die Feta kaas en dan die gerasperde Cheddar kaas. Rol op en plaas in yskas vir ‘n half uur, haal uit, sny in wiele en plaas op goed gespuite bakplaat en bak tot lig bruin.
5.
sprinkel grondbone of neute
1 blik karamel
kaneel en suiker gemeng
“Peppermint Crisp” sjokolade
Rol deeg uit en smeer met karamel, strooi kaneelsuiker en neute oor.
Rasper heelwat sjokolade oor en rol doe deeg op. Plaas in yskas vir ‘n halfuur. Haal uit en sny in skywe, plaas op goed gespuite bakplaat en bak tot lig bruin.
Geplaas deur: Yvonne Jones




OMGEKEERDE MIELIEPAPKOEK


OMGEKEERDE MIELIEPAPKOEK
1 ½ koppies mieliemeel
1 pakkie sampioen soppoeier
1 ½ koppies water, waarby klein bietjie olie gevoeg is
1 blikkie gemengde groente
100 g ontbytspek, in stukkies gekap
klein knippie sout, na smaak
Meng die meel en soppoeier en maak ‘n slap pasta aan met ‘n bietjie van die oliewater. Bring die ander oliewater tot kookpunt en voeg die knippie sout en meelmengsel by en roer goed deur.
Stel die hitte laer en prut die pap vir ongeveer 30 minute terwyl dit gereeld geroer word.
Braai die spek tot gaar en voeg dit, saam met die gemengde groente, wat goed gedreineer is, ongeveer teen die helfte van die kooktyd, by die pap en roer deeglik.
Wanneer die pap gaar en styf is, skep dit uit in ‘n springvormpan en laat dit heeltemal afkoel. Plaas ‘n bord oor die pan en draai die pan om sodat die pap kan uitgly. Indien dit nie los uitkom nie, maak die kante van die pan oop en lig dit van die papkoek af. Bedien met ‘n tamatiesmoor.
Nota:
Most of us are familiar with the maize meal paptert. However, Abongile Monki showed us an interesting way to make a maize meal cake. “Boil water in a pot, add mixed veg, pinch of salt, oil and then add your maize meal. Stir until combine. Cover with lid until ready. Remove the lid, cover with a plate and turn upside down.”
Thank you very much Abongile. I used the idea and made a new recipe round it.
Because I was worried that I wouldn’t be able to get the cake out of the pot, I’ve put it in a spring form pan to let it cool. Here is my version of the Mieliepap Koek.
Resep geplaas: Trudi Lambrechts-Botha




HOENDERBOBOTIE


HOENDERBOBOTIE
Vulsel:
1 heel hoender in porsies gesny
1 ui gekap
15 ml kerriepoeier
2,5 ml sout
60 ml blatjang
5 ml borrie
6 gekneusde suurlemoenblare
10 ml suurlemoensap
400 ml kookwater
2 knoffeltoontjies
1 blokkie hoender aftreksel
5 ml hoenderspeseryeBolaag:
2 eiers
1 koppie melk
Meng al die bestanddele vir die bolaag saam in ‘n kastrol of stoompot en kook totdat die hoendervleis sag is. Verwyder die hoender, ontbeen en sny die vleis in klein stukkies. Meng dit weer met die sous. Skep die hoendervulsel in ‘n oondpan. Klits die eiers en melk saam en giet dit bo-oor die hoendervulsel en bak in ‘n voorverhitte oond teen 180ºC tot gestol.
Nota:
Die sous is nogal baie en kan die gereg waterig maak, ek het net die helfde van die vleissous gebruik. Bedien met gekookte rys of koring.
Resep: Lorma Naude




LEKKERBEK GROENTESOP


LEKKERBEK GROENTESOP
1 kg bees skenkels
6 liter water
3 wortels geskil en gerasper
3 aartappels geskil en gerasper
1 groot ui fyn gekap
1 pakkie Minestrone soppoeier
½ koppie hawermout (opsioneel)
2 koppies macaroni stukkies
sout en peper na smaak
¼ eetlepel kerriepoeier
1 blik tamatiepuree (410 g)
30 ml pietersielie (opsioneel)
Plaas die vleis en water in ‘n groot genoeg pot en kook totdat die vleis sag is. Voeg die wortels, aartappels en ui by en kook verder tot sag.
Skep die vetlagie wat bo-op vorm af, indien verkies.
Voeg die macaroni en soppoeier by en kook vir 25 min.
Geur met sout, peper.
Voeg die kerriepoeier en tamatiepuree by en kook vir 10 min.
Nota:
Ek voeg al die geurmiddels saam met die soppoeier en macaroni by die sop. Ek het die hawermout en pietersielie uitgelaat en opgesnyde spek by die sop gevoeg.
Resep: Leone Barnard du Toit




TAMATIE, HOENDER EN RYSSLAAI


TAMATIE, HOENDER EN RYSSLAAI
400 g gekookte rys
300 g gaar hoender in blokkies gesny
2 tamaties in wiggies gesny
3 spruit uie fyngesny
½  groen rissie fyn gesny
60 g Feta kaas gekrummel
15 ml basiliekruid optioneel
‘n paar olywe vir garnering
Slaaisous:
50 ml olie
10 ml suurlemoensap
20 ml wit asyn
1 sprietui fyngekap
2 ml gedroogte tiemie en roosmaryn
3 ml suiker
sout en peper na smaak
Plaas die rys in ‘n mengbak en voeg die hoender, tamatie en res van die bestanddele by en meng. Meng die slaaisous bestanddele saam en meng dit liggies met die rysmengsel. Skep die slaai in ‘n slaaibak en garneer met basiliekruid en olywe.
Moet ten minste 4 ure voor die tyd gemaak word.
Nota:
Jy kan die slaaisous maak en oor die warm rys giet, meng en later wanneer dit afgekoel is, die ander bestanddele inmeng. Bedien 6 en hou vir 2 tot 3 dae in yskas.
Resep: Sandy Riggien




KOEKIES, KARAMEL EN ROOMTERT


KOEKIES, KARAMEL EN ROOMTERT
250ml Orley Whip Dessert Topping (styf geklop)
1 blik karamel kondensmelk
koekies van jou keuse (ek het tuisgebakte shortbread en crunchies gebruik)
Krummel die koekies lekker fyn.
Plaas helfde van koekies onder in ‘n bak.
Plaas ‘n laag room oor die koekies.
Plaas dan karamel kondensmelk oor die room. Dit sukkel so bietjie so ek het dit maar effe in gemeng in die room in.
Herhaal tot alles klaar is.
Sit in die yskas vir n paar uur of oornag en geniet
Resep en foto; Michelle van der Westhuiszen




KORINGHONDJIES

KORINGHONDJIES
2 koppies bruismeel
¼ koppie suiker
2 eiers
2 eetlepel olie
185 ml melk(volroom)
1 koppie water
1 teelepel sout
olie vir diepbraai
Sif die meel, suiker en sout saam.
Voeg res van jou bestanddele saam en meng tot deeg glad is. Laat deeg 10 min staan.
Druk sosatie-stokkies in worsie en rol in meel.
Druk die worsie is die deeg.  Gebruik ‘n lang glas dit werk goed.
Bak in olie tot goudbruin van kleur.
Resep: Albert Venter