VERSUIKERDE LEMOENSKILLE


VERSUIKERDE LEMOENSKILLE
Ek het gisteraand die lemoenskille gedoen en het baie mooi gekom.
Dit kan gebruik word vir op ‘n kaasbord en ook vir versiering van koeke byvoorbeeld.
Die skil van vier lemoene word afgeskil en al die wit aan die binnekant word met ‘n dun skerp messie uitgesny.
Dit word in dun repies met ‘n skêr geknip of met ‘n skerp mes gesny.
Gooi dit dan in ‘n bak en gooi kookwater oor sodat dit bedek is en los vir 2 minute en dreineer.
Plaas dit dan in ‘n klein kastrol en voeg by 80 ml water en ook 80 ml suiker.
Kook dit nie te vinnig sonder om te roer tot al die water weggekook is.
Verwyder uit die kastrol en pak oop op ‘n bord of waspapier.
Resep en Foto: Gideon Louw