SUZANNE SE LEMON MERINGUE
1 pak Mariebeskuitjies
1 blik kondensmelk
120 ml suurlemoensap
20 ml lemoensap
3 groot eiers
60 ml gesmelte botter
5 ml kremetart
45 ml suiker
Skei die 3 eiers. Krummel die beskuitjies en meng gesmelte botter en 1 eiergeel daarin. Druk vas in tertbord. Bak tertkors 15 min in 180ºC oond.
Meng kondensmelk, 2 eiergele, suurlemoen en lemoensap. Skep in tertkors. Bak ‘n verdere 15 min. Klits eierwitte, suiker, kremetart tot styf. Sit op suurlemoenmengsel. Bak dan nog 15 min tot goudbruin bo-op.
Resep en foto: Suzanne Petersen