MAALVLEIS, JALAPENO EN TORTILLA GEREG


MAALVLEIS, JALAPENO EN TORTILLA GEREG
500 g beesmaalvleis
2 medium uie, opgekerf
vars pietersielie opgekerf (so 3 na vier takkies se blare)
4 klein jalapeno peppers, ontpit en opgekerf (gebruik handskoene as jy kan, veral die pitte brand). Laat item uit indien jy nie van iets hou wat effens brand nie.
kruie na smaak (ek het fyn naeltjies, koljander, Worcestersous, speserye en sout gebruik)
2 eetlepels suurlemoensap
¼ koppie worcestersous
So bietjie kookolie om bogenoemde in te braai op stoofplaat
1 blik Miami sweet tomato relish
2 koppies gerasperde mozarella kaas
1 pak 150 g Pick ‘n Pay Tomato Salsa Tortilla Corn Chips

Voorverhit die oond tot 180ºC.
Braai die maalvleis en res van bestanddele (behalwe die mozarella, blik tamaties en tortilla chips) saam tot mooi gaar maar nie droog nie. Voeg die blik sweet tomato relish by en kook mooi deur.
Gooi die tortilla chips in ‘n medium glasbak (ek het dit nie gesmeer nie, ek het van die maalvleis se olie afgegooi en bietjie oorgelos) en bedek oor bodem van bak. Gooi ‘n laag mozarella oor. Dan die maalvleismengsel en laastens nog mozarella.
Bak in oond tot kaas mooi gesmelt en goudbruin is.
Resep en foto: Christelle van Rooyen