GILLIAN SE TUISGEMAAKTE PASTA


GILLIAN SE TUISGEMAAKTE PASTA
750 ml koekmeel
4 groot eiers
1 teelepel sout
2 eetlepels olie/olyfolie

Sif die koekmeel en sout saam. Maak ‘n holte in die meel en breek die eiers daarin. Meng alles saam met houtlepel en voeg nou die olie by. Knie tot ‘n sagte, hanteerbare deeg. As deeg nog te styf is, voeg ‘n halwe teelepel olie op ‘n slag by en knie verder.
Sodra die deeg gereed is, bêre in ‘n plastieksakkie in die yskas vir minstens 30 minute. Haal uit yskas en rol so dun asdun moontlik uit met ‘n koekroller, sny dan met ‘n skerp mes soos verlang. As jy ‘n pastamaker het, rol die pasta uit daarmee (onthou om by die dikste “setting” te begin en die velle deur te werk na die dunste “setting”) en sny dan met die hegstuk in die verlangde vorms.
Resep:  Gillian Vermeulen