INDIESE LAMSKERRIE MET NAAN


INDIESE LAMSKERRIE MET NAAN
Indiese lamskerrie met tuisgemaakte naan en knoffel kool
lam skenkels
Robertsons paprika, growwe swart peper, gemmer en koljander na smaak
blatjang na smaak
2 teelepels tamatie paste
125 ml klappermelk
1 knoffelhuisie
2 wortels, in blokkies gesny
4 klein aartappels, blokkies gesny
1 ui, gekap
1 koppie groenboontjies, gekerf
½ teelepel kerrie poeier of paste, na smaak

In die  prutpot (slow cooker) gemaak soos ‘n stew.
Ek het op ± 500 g lamsvleis  (mal oor Indiese kos, so ek gaan na smaak) uie gebraai en lam bygesit en in prutpot gesit met bietjie water vir paar uur met alle droë bestanddele (gemmer, knoffel, koljander, paprika en borrie, sout en peper) lam laat sag kook op hoog.
Meng die klappermelk, tamatie paste, blatjang en kerrie paste, hang af van hoe sterk jy van jou kerrie hou. Sit al die groente en die klappermelkmengsel by die vleis, kook verder op hoog tot alles sag en gaar is.

Naan:
Droë bestanddele:
1 teelepel suiker
2 teelepels gis
1 teelepel sout
3 koppies meel
1 ½ koppie warm water

Meng goed saam, laat rys vir 30 min.
Knie af en vat klein bolletjies met meel en rol so dun as moontlik uit.
Braai in non stick pan soos pannekoek.
Doop daai outjies in die sousie en geniet.
Bykos was kool, gebraai in knoffel botter.
Foto en Resep: Ina Du Toit Rautenbach