HEUNING EN HAWERMOUT BROOD
625 ml (2 ½ koppies) broodmeel
250 ml (1 koppie) rou hawermout
15 ml (1 eetlepel) bakpoeier
knippie sout
45 ml (3 eetlepels) heuning
1 eier
500 ml (2 koppies) karringmelk
30 ml (2 eetlepels) geroosterde hawermout
Voorverhit oond tot 180°C. Voer 1,5 liter-broodpan (of twee kleiner broodpanne) met bakpapier uit en smeer deeglik met botter. (Ek het sommer net Spray-n-Cook gespuit)
Sodra die oond verhit is, rooster die hawermout – plaas op bakplaat, rooster tot ligbruin.
Meng droë bestanddele saam in groot mengbak.
Klits heuning en eier goed saam, meng met karringmelk en voeg by droë bestanddele.
Roer net tot goed gemeng, moenie oormeng nie.
Skep in pan (of panne) en smeer deeg in die middel plat. Dit voorkom dat brood met ’n hoë punt rys. (Dit het nie vir my brood gehelp nie)
Strooi geroosterde hawermout oor en druk liggies vas. (Ek sal nie volgende keer dit opstrooi nie, voel dis onnodig)
Bak groot brood vir 50 – 60 minute en 40 – 45 min vir kleiner brood, of tot toetspen skoon uitkom.
Laat staan vir 1 – 2 minute in pan. Keer op afkoelrakkie uit.
Foto: Stien Rust
Resep geplaas deur Stien Rust
