ONGELOOFLIKE 30 DAE MUFFINS
5-7 dosyn muffins
Een maand in yskas deeg.
225 g (6 x 250 ml) semels
500 ml kookwater
230 g (250 ml) botter of margarine gesmelt
600 g (750 ml) suiker
4 eiers geklits
1 liter karringmelk
25 ml koeksoda
325 g (625 ml) koekmeel
300 g (625 ml) volkoringmeel
10 ml sout
rosyne, klapper, appels of droë vrugte na smaak
Voorverhit 220°C.
Smeer kolwyntjiepanne.
Meng semels en kookwater.
Voeg botter by en laat effens afkoel.
Voeg suiker, eiers, en 750 ml karringmelk by en meng.
Meng koeksoda en oorblywende 250 ml karringmelk.
Voeg by meel, volkoringmeel en sout.
Nou kan jy extras byvoeg, rosyne ens.
Ek bak hulle sonder extras.
Deeg is slap.
Skep in muffinpanne.
Bak vir 20 min.
Bêre deeg in yskas en bak elke dag vars muffins vir kosblikke. xx
Resep: Hester Pienaar
Foto: Maranda van Dam
