LINDA SE WENKE VIR ‘N SUKSESVOLLE KAASKOEK

LINDA SE WENKE VIR ‘N SUKSESVOLLE KAASKOEK
Met kaaskoek moet ‘n mens baie geduldig wees. Ek het ‘n resep wat ek al jare bak en mug’n bean kan nie eers naby dit kom nie (hang af van die kwaliteit roomkaas).

Wat ek al geleer het is as jy jou eiers heel laaste insit dan moet jy dit een vir een insit.
Ook ek klop nie my eiers in nie, ek vou dit amper in. As jy te veel aan dit peter kan jy ‘n taai harde kaaskoek kry en dit bars op die bo kant.
Die wenk is dat ek altyd ‘n klein staal bakkie water saam my kaaskoek in die oond sit.
En die volgende wenk is dat net wanneer hy styf is aan die kante dan haal jy hom uit en smeer vinnig jou suurroom mengsel bo op en druk dit terug in die oond vir 10-15 min.

Volgende wenk is om dit teen ‘n laer temperatuur te bak. As hy te vinnig bak kan hy ook bars.
Dan my laaste maar beste een is om geduldig te wees, as jy sien jou kaaskoek is styf aan die kante maar ‘n klein gedeelte in die middel is nog bietjie jiggly, sit dadelik jou oond af en sit ‘n houtlepel in die oond deur en laat hy egalig binne die oond se temperatuur afkoel. Sodoende sal hy nie bars nie.
Waar jy gewoonlik ‘n koek bak teen 180°C bak ek my kaaskoek tussen 100 – 150°C, hang af van die oond omrede ek agter gekom het elke oond verskil.
Hoop dit help jou en glo my kaaskoek bak is nie moeilik nie solank jy net lekker wenke het.
Deur Linda Greyling