BOSTON BRUINBROOD
175 ml melk
¼ teelepel asyn
1 eier, geklits
75 g melasse of swart stroop
15 g sagte margarien
50 g strooisuiker
225 g bruismeel
100 g volkoring meel
½ teelepel sout
½ teelepel koeksoda
Smeer klein broodpan/koffie/vrugteblik (450 g). Meng melk en asyn en sit eenkant.
Klits eier goed saam met melasse/stroop, margarien en suiker in groot bak.
Meng 2 soorte meel en voeg die eiermengsel, sout, koeksoda en aangesuurde melk daarby.
Klop deeglik en keer beslag uit in voorbereide pan.
Maak pan styf toe met deksel van foelie en plaas in bakpan met bietjie water daarin.
Bak in matige oond (180°C) vir omtrent 1 uur. Keer uit om af te koel.
Resep geplaas deur Anna Venter
