1

KERRIE MAALVLEIS VIR VETKOEKE

KERRIE MAALVLEIS VIR VETKOEKE
Deeg gekoop en gesny en gebak in lekker warm olie.
Bestanddele vir maalvleis
500g maalvleis
1 ui opgesny
1/4 tl vars knoffel
2 medium aartappels
1 k fyn gemengde groente.
1 eetl kerrie
1 tl borrie
Sout en peper
Blatjang na smaak
1 eetl suiker na smaak
Metode
Braai ui en knoffel en voeg al die droƫ bestanddele by behalwe suiker.
Roer en voeg die maalvleis by. Maak los met vurk om klonte uit te kry.
Voeg bietjie kookwater by, ek prut so 5 minute.
Sny aartappels in klein blokkies en voeg dit en gemende groente by maalvleis.
Voeg nog bietjie water by en kook tot gaar en nie te droog. Indien jy te veel water bygevoeg het vat van souswater en meng met 1 eetl soppoeier. Voeg by en roer.
Prut 5 minute.
As maalvleis gaar lyk toets aartappel met ‘n vurk dan voeg jy die chutney en suiker by en roer deur. Meng die twee eers.
Prut nog 5 minute en sit plaat af.
As dit reg proe kan jy bedien.
NS. Jy kan ‘n lourierblaar byvoeg van kook stadium af, dit gee n lekker smaak.
Resep vir maalvleis: Ronell Muller Boshoff