GEPEKELDE KWARTEL EIERS
My man hou baie hiervan en hierdie is een van sy resepte. Nee ek eet dit glad nie 🙈
60 kwartel eiers
400 ml wit wyn asyn
1 koppie wit asyn – vir kook proses
3 Peperdews ontpit en repe gesny (vir lekker ekstra skop vervang met chillies – jalapeno of habanero)
7.5 ml Ceyenne pepper
2 teelepel geel mosterdsaad
3 bay leaves
1 1/2 eetlepels Pickled spice
2 teelepels growwe sout
1 teelepel knoffel
5 naeltjies
15 peperkorrels
(Het 1 ltr Consol bottel gebruik)
Kook al die bestanddele saam behalwe die 1 koppie asyn en eiers, vir so 5 min. en laat staan om af te koel.
Bring dan genoeg water tot kookpunt om eiers te bedek.
Plaas eiers in warm water en kook vir 5 min.
Gooi 1 koppie wit asyn by en kook verder vir 5 min.
Haal uit en sit dadelik in ‘n bak yswater vir 10 min. (Gebruik maar lekker baie ys)
Dop eiers mooi af en maak seker die fliesie is afgetrek van eier.
Sit eiers in sterilized bottel en gooi asyn vloeistof oor.
Maak seker daar is geen lug in bottel en indien nodig vul net op met wit wyn asyn tot bo.
Draai deksel styf op en maak seker bottel is afgekoel voordat in yskas gebêre word.
Geniet na so 2 weke.
Bron: Christiaan Smith
Foto: Frances Smith
