ALTA SE GRANADILLA STROOP
Granadilla stroop gemaak met pulp van:
40 granadillas
8 koppies suiker
6 koppies kookwater
Roer tot suiker opgelos is. Voeg granadilla pulp by en bring tot kook punt. Haal af van hitte af, gooi deur sif,
Voeg by en roer goed deur:
15 gram wynsteensuur
15 gram Engelse sout
Laat afkoel, gooi in bottels en verseël.
Heerlik saam met kouewater en ys. Dit is ‘n stroop, so daar word water bygevoeg. Ek maak ook my
suurlemoen stroop en lemoenstroop met dieselfde resep.
In die geval van suurlemoen of lemoenstroop gebruik die sap van 12 suurlemoene of 12 lemoene.
Indien ‘n sitrus drankie verkies gebruik dan sap van 6 suurlemoene en 6 lemoene.
Resep en foto: Alta Gunter van Dyk
