OUMA JOEY SE KOEKSISTERS SONDER EIERS

OUMA JOEY SE KOEKSISTERS SONDER EIERS:
(Lewer +- 6 dosyn groot of 12 dosyn “cocktail” grootte)
Hierdie is my skoonsus Ina Pretorius se Moeder se resep. Dit vries ook baie goed!!!
Stroop:
4k water,
8k suiker,
1t kremetart,
2e goue stroop,
1t vanilla geursel.
Kook water, suiker en kremetart vir 5 minute.
Verwyder van hitte en voeg stroop en geursel by.
Laat afkoel en plaas oornag in yskas.
Deeg:
4k koekmeel,
2e margarien,
4t bakpoeier,
1/4t sout,
1+1/2k koue kraanwater.
Vryf margarien in meel.
Voeg sout en bakpoeier by en meng goed.
Maak aan met water tot hanteerbare deeg.
Bedek met kleefplastiek en laat rus vir 1 uur.
Rol uit op meelbestrooide oppervlak.
Sny in koeksisters en vleg.
Bak in warm olie tot goudbruin en doop in yskoue stroop.
Dreineer op draadrak.