ANSIE SE KONFYTTERTJIES
3 koppies koekmeel
3 teelepels bakpoeier
Knippie sout
1 koppie sagte botter of Stork Bake margarien
1 koppie vars room
12.5 ml brandewyn
Sif eerste 3 bestanddele saam. Vryf botter/margarien in meel tot fyn krummels. Meng brandewyn en room en voeg by meelmengsel en meng tot sagte deeg. Verkoel vir ‘n halfuur, rol dan dun uit op meelbestrooide oppervlak, gebruik vrugtefles ring en druk sirkels uit. Sit klontjie appelkooskonfyt in middel.
Smeer kante met koue water, vou toe en druk vas. Smeer met geklitste eiergeel en melk en bak vir 10-12 min by 200 ºC.
Ek gebruik graag Rhodes se appelkooskonfyt en ek hou dit in die vrieskas, voorkom dat dit uitkook.
Bron en foto: Ansie Broekman
