MARYNA SE KERRIE VARKTJOPS
6 tot 8 varktjops
1/2 kop asyn
1/2 kop meel
Sout, pepper en neutmuskaat
2 groot uie in ringe
1 1/2 kop kookwater
2 eetl kerriepoeier
3 eetl hoog bruinsuiker
Strooi sout, pepper en neutmuskaat oor varktjops. Meng meel en kerrie poeier, sout, pepper en neutmuskaat en druk varktjoppies in meel tot goed bedek. Pak laag tjops (sny vet in kepe) en dan laag uie ringe. Gooi nou jou mengsel wat bestaan uit kookwater, bruinsuiker en asyn bo oor die hele spul. Bak op 190 grade C vir 1 1/2hr, verwyder foelie en bak verder oop tot tjops sag en bruin is maar oppas dat die lekker sousie nie wegkook nie. Indien sousie skraps lyk maak nog suiker, water en asyn mengsel aan maar gee dan genoeg tyd dat dit lekker dik is en deurgekook het. Bedien saam rys.
Bron: Maryna Kruger
