BERNS SE MIELIE EN BOONTJIE GEREG
270 g (350 ml) stampmielies
200 g (250 ml) suikerbone
15 ml (1 e) olyfolie
500 g stowe lamsvleis, oortollige vet verwyder en in blokkies gesny
1 groot ui, gekap
2-3 knoffelhuisies, gekneus
15 ml (1 e) gedroogde gemengde kruie or orego
25 ml (5 t) gekapte vars pietersielie
sout en varsgemaalde swartpeper na smaak
gemmer opsioneel
Bedek stampmielies en bone met genoeg koue water en week oornag. Dreineer goed. Kook in aparte kastrol tot sag.
Verhit olie in ’n groot kastrol oor matige hitte.
Braai ui, knoffel, gemmer tot ‘n lekker bruin en sag. Voeg vleis by en braai tot lekker goudbruin.
Voeg kruie by en geur na smaak met sout en peper.
Roer stampmielies en bone by kastrol met vleis.
Verlaag hitte en prut met ‘n deksel vir ±30min vir stampmielies en bone om geur te deurtrek.
Laat gereg 10-15min afkoel voor bedien.
Foto en resep: Berns Hofmeester Ankiah
