GIDEON SE VYEKONFYT
Ekt nog ‘n pluksel vye gepluk om konfyt mee te kook
Dit het baaasie mooi uitgekom en is baie lekker
4 kg ryp geskilde vye
3 kg suiker
1 eetlepel suurlemoensap ( word ingeroer net voor klaar gekook is )
Gooi die suiker oor die vye en laat staan oor nag
Gooi oor in ‘n groot kastrol en bring tot kookpunt ( ek probeer dit so min moontlik roer omdat die vye ryp en sag is en kan maklik stukkend en wegkook )
Verlaag die hitte en kook op lae hit vir nog ‘n uur, doen die stroop toets
Skep in gesteriliseerde flesse terwyl dit nog warm is
Ek het die treksel in liter flesse gegooi ek hou eintlik meer van kleiner flessies
Nog ‘n resep:
4.5 kg vye (10lb)
1.5 kg suiker (3 1/2 lb)
Skil vye af (gebruik maar handskoene) en sit saam met suiker in kastrol.
Kook vir so 30 min
Skep in gesteriliseerde potte terwyl dit nog warm is
Draai dig toe
Resep en foto: Gideon Louw
2de foto: Anne-Marie Watt
Nota: Petro Kruger Scheun – wenk: Gooi sout by en halwe suurlemoen se sap, keer vir sandsuiker en breek die meeste soet, ek en my Pa kook jare so vyekonfyt
