TAMATIE EN UIE SMOOR OM TE BOTTEL
3 ½kg tamaties
1 kg uie (gekap)
2 eetlepels sout
6 koppies suiker (of na smaak)
3 koppies bruin asyn
2 eetlepels kerriepoeier
1 eetlepel mosterdpoeier
½ teelepel neutmuskaat
6 eetlepels maizena om te verdik.
Kap tamaties fyn in versapper. Braai uie in bietjie olie tot gaar en deurskynend. Voeg res van bestanddele behalwe maizena by. Kook vinnig vir 1 uur lank tot gaar en dik. Verdik met maizena wat tot ‘n pasta aangemaak is met ‘n bietjie water indien nodig. Laat kook vir nog ± 5 minute. Skep in gesteriliseerde bottels. ***(Lewer ± 6 groot Mayonnaise bottels vol).
Jy sit dit net op die rak. Kan tot 6 maande hou as dit reg gebottel is. Onthou net om die bottels te steriliseer.
FOTO EN RESEP: BETS LOURENS
Nota: Franci Lemmer – ek het dit gemaak en vind dat dit baie soet is gaan ‘n volgende kooksel net minder suiker byvoeg
geskuif