OU JONKMAN’S POEDING
Dis n resep van amper 200 jaar oud ( oorspronklik die Engelse BACHELOR’S PUDDING)
Neem 3 koppiis meel, 2 koppiis melk, 1 koppi suiker, 1 koppi fet en botter te same, 1 telepel soda, n bitji komfyt, 2 onse korente, maak algar goed deurmakaar, bak 2 uur lank in n gesmeerde skottel. ( E Dijkman 1890)
Nou se weergawe”
JONKMANSPOEDING
115 g botter
115 g vet
200 g suiker
5 ml koeksoda
360 g koekmeel
5 g fyn gemmer
500 ml melk
25 ml fyn appelkooskonfyt
75 g korente
Klits botter, vet en suiker tot romerig.
Sif meel en gemner goed saam en voeg beurtelings met melk, waarin koeksoda opgelos is, by die bottermengsel.
Roer appelkooskonfyt en korente by en bak by 180 C vir 60 – 75 minute
Ja dit lyk my 200 jaar terug het mens makliker verstaan as nou!! Geen detail.
Herman Pypers
Uit ons Die Noordweste se Beste Tradisionele geregte
Ou Jonkmanspoeding
750 ml koekmeel
250 ml suiker
250 ml botter
5 ml gemmer
500 ml melk
5 ml koeksoda
25 ml appelkooskonfyt
125 ml korente
Room botter en suiker saam. Sif koekmeelblom en gemmer saam.
Los koeksoda in melk op. Voeg koekmeel en melk beurtelings by bottermengsel.
Roer appelkooskonfyt en korente by. Skep beslag in ‘n vuurvaste oondskottel.
Bak vir 1 uur by 180ºC.
Bedien warm.
