ENA SE BRAAMKONFYT

BESTANDDELE:
2,5 kg Brame
2 kg suiker
500 ml water (±)
Knippie sout
Skeutjie vars suurlemoensap

METODE:
1. Was brame baie goed onder koue lopende water, om van stof, ensovoorts ontslae te raak.
2. Gooi in emmer koue water met bietjie sout, spoel WEER af en gooi al die water af.
3. Plaas brame in konfytkastrol, gooi 500 ml water by en kook teen medium hitte, sodat brame kan warm word en effens kan begin sag word.
4. Voeg suiker by, verhoog hitte en sodra suiker smelt, draai hitte dan weer laer.
Roer voortdurend!
5.Gooi skeutjie suurlemoensap en knippie sout by. (Ek doen dit met al my konfyte.)
6. Wanneer konfyt begin ‘taaier’ word, verwyder van hitte en verpulp so driekwart van die kooksel. Ek gebruik sommer die hand-versapper (stick) binne in die kastrol.
7. Plaas terug op stoof en kook verder teen matig-tot-stadige hitte.
Roer kort-kort.
8. Bottel warm in gedistilleerde flesse.

*Indien jy dit as sous oor roomys of terte wil gebruik, versap dit net fyner.
**Ek kook moerbei-konfyt op dieselfde manier.

Bron: Ena Bester Posthumus.

Foto: Betsie Ferreira