TAAI RIBBETJIE MET LEMOENSAP

TAAI RIBBETJIE MET LEMOENSAP
sowat 1,5 kg lamsribbetjies
MARINADE
80 ml lemoensap
15 ml sojasous
30 ml heuning
60 ml tamatiesoius
15 ml olie
sout en vars gemaalde swartpeper

Voorverhit die oond tot 180 °C.
Sny die ribbetjies in kleiner porsies en meng al die bestanddele van die marinade.
Marineer die ribbetjies vir sowat 30 minute of verkieslik oornag.
Pak die ribbetjies met die marinade in ’n groot oondbak en bedek met foelie.
Bak sowat 30 minute.
Verwyder die foelie en bak tot taai en gaar. (Draai die ribbetjies om sodat dit alkante gebraai word en skep die marinade oor die ribbetjies terwyl dit braai).
Foto: Minette Mirie Vd Westhuizen