PEPPERMENT CRISP TERT MUFFINS

tested
PEPPERMENT CRISP TERT MUFFINS
210 g (310 ml) meel
2 teelepels (10 ml) bakpoeier
½ teelepel (2.5 ml) koeksoda
75 g (90 ml) suiker
100 g mint crisp-sjokolade, in klein stukkies gekap
1 eier
45 g margarien, gesmelt
250 ml karringmelk of 175 g jogurt & 75 ml melk
peppermint-geursel (opsioneel)
1 blik (410 g) caramel treat
60 ml room

Voorverhit die oond tot 200°C.
Spuit 12 muffinhouers in ‘n muffinpan met kleefwerende sproei op die bodem.
Meng die meel, bakpoeier, koeksoda en suiker saam in ‘n groot mengbak.
Meng die sjokolade by – hou net so 10 ml uit om later bo-op te strooi indien jy wil.
Klits die eier met ‘n vurk en voeg die gesmelte margarien en karringmelk by. Voeg ‘n paar druppels peppermint-geursel by. Gooi die vloeistof by die droë bestanddele. Roer net tot gemeng. Proe of daar genoeg peppermint-geursel in is en voeg nog na smaak by.
Skep ‘n eetlepelvol deeg in elke muffinhouer.
Vat dan ‘n teelepel en skep ‘n teelepelvol caramel treat bo-op. Druk dit effens in die deeg in met die lepel. Skep nog eetlepelsvol deeg bo-op die caramel treat om dit toe te maak.
Bak vir 15 minute.

Nou kyk – die muffins is nou al heerlik, maar om dit met ekstra dekadensie voor te sit, maak so:
Klits die room styf en voeg dan ongeveer 60 ml caramel treat by. Klits tot styf en alles goed gemeng. Voeg ‘n paar druppels peppermint-geursel by as jy wil. Skep dan nou ‘n vriendelike lepelvol bo-op elke muffin en sprinkel die mint crisp-sjokolade wat jy uitgehou het oor-
RESEP EN FOTO: Rene Wessels